Boch Ban’en Nrayog ni Nga Nog

Fare Wulyang ko Damit July 1

“Bochan ni ke yoor e magafan’ ko girdi’ e ngiyal’ ney ma gur, ga be lemnag ni pi thin ni baaray ni ke yog Jesus e ra yib angin ngodad e ngiyal’ ney? [Mu beeg e Matthew 6:25, mmotoyil ko n’en nra yog.] Re Wulyang ko Damit ney e be weliy ni faan ni yira fol ko pi kenggin e motochiyel ko Bible, ma rayog ni nge lich boch e magafan’ rodad ko salpiy, nge magafan’ ko tabinaw, nge magafan’ nga boch ban’en ni bay e riya’ riy.”

Thin nib Fel’ ni Yib rok Got!

“Boor e girdi’ e ba ga’ ni yad baadag ni ngar meybilgad u nap’an ni ke yib e magawon ngorad. Bay yu ngiyal’ ni ga ma meybil, fa? [Mmotoyil ko n’en nra yog.] Uw rogon u wan’um, urngin e meybil ni ma motoyil Got ngay, ara bay boch e meybil ndabun? [Mmotoyil ko n’en nra yog.] Bay reb e brochure ni be dag ko uw rogon ni ngan pirieg e fulweg ko pi deer ney. [Mu pi’ ba ken ngak, ma gimew weliy e bin som’on e paragraph ko guruy ni 12 nge fapi thin nu Bible ni bay fare thin ni “mu beeg” ni kan yoloy u m’on riy.] Dabisiy nrib fel’ e re n’ey nib m’agan’ Got ngay ni nge motoyil ngodad, fa? Machane, faanra nge fel’ rogodad ko meybil rodad mab t’uf ni ngad nanged Got nib fel’ rogon. [Ngan yan ko fare guruy ni 2 min dag fapi subheading.] Faanra ga baadag, ma gu ra pi’ e re ke babyor ney ngom, ma yay ni migid ma gadow ra beeg e fulweg ko pi deer ney u Bible.”

Thin nib Fel’ ni Yib rok Got!

“Ku gub ni ngad weliyew murung’agen e n’en ni be magafan’ e girdi’ ngay ni fan ko re fayleng ney nge n’en nra buch boch nga m’on. Uw rogon u wan’um, rayog ni nge fel’ boch rarogon e fayleng, fa? [Mmotoyil ko n’en nra yog.] Boor e girdi’ e kar gingad ngay u nap’an ni kar nanged ni bay e thin nib fel’ u Bible nrayog ni nge pi’ e athap ngodad. Baaray boch e deer ni be pi’ e Bible e fulweg riy.” Mu pi’ reb e brochure ngak, ma gog ngak ni nge mel’eg reb e deer nri baadag ni bay u keru’ fare brochure. Mag pithig ko fare guruy ngam dag ngak rogon e fol Bible. Mu yarmiy ni ngam sul ngak ngam weliyew e bin migid e deer ko fare guruy.”