Ba Milfan Ngodad ni Ngad Uned i Toy ma Gad Ayuweg e Yungi n’en Tagil’ e Liyor Rodad

Ba gel e maruwel ni i tay piyu Israel u nap’an ni kar toyed fare tempel maku boor e salpiy ni kar fanayed ngay. Yugu aram rogon nib gel e maruwel riy, machane ra pied e ayuw u fithik’ e pasig. (1Kr 29:2-9; 2Kr 6:7, 8) Tomuren nni mu’ i toy fare tempel, ma rogon e ngongol rok piyu Israel e m’ug riy ko ba ga’ fan u wan’rad ni ngar ayuweged e re tempel ney fa danga’. (2Ki 22:3-6; 2Kr 28:24; 29:3) Piin Kristiano e ngiyal’ ney e boor e tayim ni yad ma tay, maku ba gel e athamgil ni yad ma tay ni ngar toyed ma ngkur klinnaged e pi Tagil’ e Liyor rodad nge pi Assembly Hall, mar ayuweged ni nge par e pi naun ney nib n’uw nap’an. Yugu aram rogon ni gad be rin’ e pi n’ey ma gad manang ni gad ba tow’ath ni gad be maruwel Jehovah u taabang ni ngad rin’ed boch ban’en ni fan ko liyor rodad ngak.​—Ps 127:1; Re 7:15.

RAYOG NI NGAD PIED E AYUW NI ARAM E . . .

• Ngad uned ko klin u tomuren e muulung. Ma faanra rayog rom, mag klinnag e gin ni ga be par riy.

• Ngad uned ko fare klin ni yima yarmiy ni ngad uned ngay ya ngad ayuweged Tagil’ e Liyor rodad ni nge par nib n’uw nap’an. Faanra boor e girdi’ ni yad ra pi’ e ayuw ma ra baud e maruwel ni ngan tay ma gad ra maruwel u fithik’ e felfelan’.​—lv 105 ¶18.

• Ngad pied e salpiy ni ayuw. Mus ni faanra kad pied “l’agruw chi kobre’ nrow nib achig” ni ayuw ni ke yib u gum’ircha’dad mab ga’ fan u wan’ Jehovah.​—Mr 12:41-44.

• Faanra rayog rom mab fel’ ni ngam ognagem ni ngam pi’ e ayuw u nap’an ni yibe toy e pi naun ni gad ma fanay ni fan ko liyor rodad ngak Got. Yugu aram rogon ndariy e salap rodad ko dimow naun ma rayog ni ngad uned ko re maruwel ney.