Ke Par Esther nib Mudugil ni Fan ko Girdi’ rok Got

Ke dag Esther ni ir be’ nib gel e michan’ rok maku der rus u nap’an ni be ayuweg e girdi’ rok Got

• Faanra yan Esther ngak fare pilung ndawor nni pining ma rayog ni ngan thang e fan rok. Ke gaman reb e pul ni dawori pining fare pilung Esther ni nge yan ngak

• Ahasuerus ni Pilung e ku yima yog e Xerxes I ngak, ma ir be’ nrib gel e damumuw rok. Bay bayay ni yog ni ngan th’ab reb e pumoon u lukngun ya nge guy e girdi’, ma dab ra th’abed e motochiyel ni ke yog. Miki chuweg Vashti ni nge dabki mang leengin e pilung u nap’an ni daki fol rok

• Ba t’uf rok Esther ni nge yog ni ir be’ nib Jew ma ngki micheg ngak fare pilung ni ke gay Haman rogon ni nge bannag