Boch Ban’en Nrayog ni Nga Nog

WULYANG KO DAMIT

Deer: Bay bayay ni kam rung’ag ni ke yog be’ e pi thin ney, fa?

Thin nu Bible: Joh 3:16

Rogon ni Ngan Pi’: Re ke Wulyang ko Damit ney e be weliy rogon nrayog ni nge yib angin e gafgow nge yam’ ni tay Jesus ngom.

WULYANG KO DAMIT (wuru’ e bin tomur e page ko re ke babyor ney)

Deer: Mu guy e re deer ney nge boch e fulweg nib ga’ ni yima yog. [Mu beeg e bin som’on e deer nge ku boch e fulweg nib ga’ ni ma yog e girdi’.] Uw rogon ni ga ra fulweg?

Thin nu Bible: Mt 4:1-4

Rogon ni Ngan Pi’: Bochan ni ke non fare Moonyan’ ngak Jesus, me waliy ni nge rin’ e kireb, ere dabisiy ni fare Moonyan’ e gathi kemus ni ban’en ni be yip’ fan e kireb. Mang boch ban’en ni ku be weliy e Bible ni murung’agen fare Moonyan’? Be weliy e re article ney boch ban’en u murung’agen e re n’ey.

INVITATION KO PUGURAN

Rogon ni Ngan Pi’: Gamad be wereg e re invitation ney nga reb e muulung nib ga’ fan. [Mu pi’ reb e invitation ngak faen ni kam mada’gow.] Ra yan i taw ko rofen ni March 23, ma bokum milyon e girdi’ u ga’ngin yang e fayleng ni yad ra madnomnag fare Puguran ko yam’ ni tay Jesus Kristus. Rofen ney e bay reb e welthin ni yira pi’ nib puluw e thin riy ko Bible nra tamilangnag angin e yam’ ni tay Jesus ni fan ngodad. Re invitation ney e bay e tayim riy nge gin’en ni yira tay e re muulung ney riy. Faanra rayog rom, mag pithig u puluwom ni nga mub mu un ngay.

MU LEMNAG ROGON NI NGAM PI’ REB E BABYOR

Mu fanay fapi kanawo’ ni kan weliy murung’agen ni ngam lemnag rogon ni ngam pi’ reb e babyor.