Boch Ban’en Nrayog ni Nga Nog

FARE WULYANG KO DAMIT

Deer: Ga be lemnag ma mang e bin th’abi fel’ e tow’ath ni ke pi’ Got ngodad?

Thin nu Bible: Joh 3:16

Rogon ni Ngan Pi’: Re ke Wulyang ko Damit ney e be tamilangnag fan ni ke pi’ Got Jesus ke yib nga fayleng ni nge yim’ ni fan ngodad nge rogon nrayog ni ngad daged nib ga’ fan e re tow’ath ney u wan’dad.

MANG E GIL’ILUNGUN GOT? (T-36)

Deer: [Mu dag wuru’ fare tract.] Uw rogon e fulweg rom ko re deer ney? Ga be lemnag ma Gil’ilungun Got e aram e gagiyeg rok Got ni bay u fithik’ i laniyan’ be’? ara kemus nib fanathin ni be yip’ fan yugu reb e ban’en? ara reb e am ni bay u tharmiy?

Thin nu Bible: Da 2:44; Isa 9:6

Rogon ni Ngan Pi’: Re tract ney e be tamilangnag murung’agen Gil’ilungun Got nge angin nra yib ngom.

INVITATION KO PUGURAN

Rogon ni Ngan Pi’: Gamad be pining e girdi’ nga reb e muulung nib ga’ fan. [Mu pi’ reb e invitation ngak faen ni kam mada’gow.] Ra yan i taw ko rofen ni April 11, ma bokum milyon e girdi’ u ga’ngin e fayleng ni yad ra madnomnag fare puguran ko yam’ ni tay Jesus. Rofen nem e bay reb e welthin ni yira pi’ nib puluw e thin riy ko Bible nra tamilangnag angin e yam’ ni tay Jesus ni fan ngodad. Re invitation ney e bay e tayim riy nge gin’en ni yira tay e re muulung ney riy. Faanra rayog rom, mag pithig u puluwom ni nga mub mu un ngay.

MU LEMNAG ROGON NI NGAM PI’ REB E BABYOR

Mu fanay fapi kanawo’ ni kan weliy murung’agen ni ngam lemnag rogon ni ngam pi’ reb e babyor.