Ngam Felfelan’ ko Athap Rom

Athap rodad e rayog ni ngad taarebrogonnaged nga ba yiluy. (Heb 6:19) Re athap ney e rayog ni nge ayuwegdad ni nga darod u fithik’ e pi magawon ni gad ma mada’nag nib gel e michan’ rodad. (1Ti 1:18, 19) Boor e magawon nrayog ni ngad mada’naged ni bod rogon nrayog ni nge magawon lanin’dad, ara ke mul e pi n’en nib milfan ngodad u pa’dad, ara bay ba mit e m’ar ni ke yib ngodad nib n’uw nap’an, ara nnap’an ni ke yim’ be’ nib t’uf rodad, ara yugu buch boch ban’en nra skengnag e yul’yul’ rodad.

Michan’ nge athap ni bay rodad e aram e n’en nra ayuwegdad ni ngad pared nib mudugil u wan’dad nra pi’ Jehovah e tow’ath ni ke micheg ni fan ngodad. (2Ko 4:16-18; Heb 11:13, 26, 27) Ere, yugu demtrug ko gad be athapeg e yan nga tharmiy ara par u roy u fayleng, ma rib ga’ fan ni ngaud fal’eged i lemnag e n’en ni be yog e Thin rok Got u murung’agen e athap rodad. Ya faan gad ra rin’ ni aray rogon, ma ra mom rodad ni ngad pared ni gadad felfelan’ u nap’an ni gad ra mada’nag e magawon.​—1Pe 1:6, 7.

NGAN YALIY FARE VIDEO NI KENGGIN E REJOICE IN THE HOPE, NGEMU’ MIN PI’ E FULWEG KO PI DEER NI BAARAY:

• Mang fan nib fel’ ni ngan folwok rok Moses?

• Mang maruwel e ba milfan ngak e en lolugen e tabinaw?

• Mang boch ban’en nrayog ni ngam weliyed chon e tabinaw rom u taabang u nap’an e Fol Bible ni Tabinaw?

• Uw rogon nra ayuwegem e athap rom ni ngam athamgil u fithik’ e pi magawon rom nib pagan’um?

• Mang e ga be athapeg boch nga m’on?