Faan Gad Ra Lichnag Pa’ Nga Puluwdad Ma Ra Mom ni Ngad N’ufed Got

Ngiyal’ ney e ba mom ni ngad yognaged boor e chugum, ma re n’ey e rayog ni nge mo’maw’nag e par rodad. Ba t’uf ni ngad fanayed gelngidad nge tayim rodad ni ngad gayed boch e chugum u kantin, ma gad pi’ puluwon, ma gad maruwel ngay, ma gad ayuweg ni nge dabi kireb. Jesus e da i guy rogon ni nge yoor e chugum rok ya manang nrayog ni nge magawonnag ko machib ni be tay.​—Mt 8:20.

Uw rogon ni ngam lichnag pa’ nga puluwom ya nge yag ni ngam yoornag boch e tayim rom ni fan ko machib? Gur, rayog ni ngam thilyeged chon e tabinaw rom boch ban’en ko par romed ya nge yag ni nge un bigimed ko machib u polo’ e tayim rok? Kam pag boch ban’en ni bod e chugum ni nge magawonnag e yafos rom ni yugu aram rogon ni ga be pigpig ngak Got u polo’ e tayim rom, fa? Nap’an nra guy be’ rogon ni nge lichnag pa’ nga puluwon ma rayog ni nge pirieg e felfelan’ me fel’ u wan’ e tin ni bay rok ban’en.​—1Ti 6:7-9.

Mu yoloy boch e kanawo’ nga but’ u rogon nrayog ni ngam lichnag pa’ nga puluwom.