Kab Fel’ e Gonop ko Gol

Mang nib ga’ fan ni nge yag e gonop rok Got ngodad? Fan nib ga’ fan e bochan e ra ayuwegdad ni ngad siyeged boch ban’en nib kireb miki ayuweg e yafos rodad. Ma re n’ey e rayog ni nge yib angin ngodad u rogon ni gad ma non ko girdi’, nge rogon e ngongol rodad.

Be’ nib gonop e ma siyeg e lem nib tolang

16:18, 19

• Be’ nib gonop e manang ni yigoo Jehovah e Tabolngin e gonop

• Piin nib fel’ rogorad nge piin ni bay e maruwel ni kan pag fan ngorad e thingar ra kol ayuwgad ndab ra ufanthingad ara tolang e lem rorad

Be’ nib gonop e ma yog e thin nra yib angin ngak yugu boch e girdi’

16:21-24

• Be’ nib gonop e ma fanay e tamilangan’ ni bay rok ni nge guy fel’ngin yugu boch e girdi’ ma aram e pi n’en nra weliy murung’agen

• Thin nib fel’ ni gad ma yog e ra k’aring e girdi’ ni ngar adaged ni ngar motoyilgad ngodad, mab athibthib ni bod e honey, ma dabi k’aring e damumuw ngak e girdi’