Rogon ni Ngan Pi’ e Fulweg nib Fel’

Faan gad ra pi’ reb e fulweg nib fel’ ma susun nrayog ni nge pi’ e athamgil nga laniyan’ e girdi’ u lan e ulung. (Ro 14:19) Ma susun nra yib angin ngak faen ni ke pi’ fare fulweg. (Pr 15:23, 28) Ere aram fan nib fel’ ni ngad gayed rogon ni ngad pied reb e fulweg u nap’an e muulung. Machane, gathi gubin ngiyal’ ni gad ra tining pa’dad nga lang e yira piningdad ni ngad pied e fulweg. Ere, aram fan nib fel’ ni ngad fal’eged boch e fulweg ni ngad pied ma gathi kemus ni taareb.

Reb e fulweg nib manigil e . . .

• ba ngoch, mab tamilang, ma kub mom ni ngan nang fan. Susun nrayog ni ngan pi’ reb e fulweg u lan 30 e second fa ba lich

• ba fel’ ni nge pi’ be’ ni thin rok

• susun ndabin sul u daken e n’en ni kafin ni weliy

Faanra kan piningem ko som’on, . . .

• mag pi’ reb e fulweg nib mom ni ngan nang fan mab puluw ko fare deer ni kan fith

Faanra kan mu’ i pi’ e fulweg ko fare deer, ma rayog ni ngam . . .

• tamilangnag e thin nu Bible ni bay rogon ko n’en ni yibe weliy

• tamilangnag rogon nrayog ni nge yib angin ko yafos rodad

• tamilangnag rogon nrayog ni ngan fanay e re fonow nem u lan e yafos rodad

• weliy buchuuw ban’en ni ke buch nrayog ni nge tamilangnag e tin nib ga’ fan riy