Gimed e Piin Gallabthir, Mu Skulnaged Pi Fakmed ko Tirok Got Ban’en me Fel’ Rogon e Par Rorad Boch Nga M’on

Piin gallabthir ni bay madgun Got u wan’rad e ri yad baadag ni ngar guyed pi fakrad ni ngar manged boch e tapigpig rok Jehovah ni yad ba yul’yul’. Rayog ni ngar ayuweged pi fakrad ni ngar rin’ed e re n’ey ni aram e ngaur guyed rogon ni nge taw e tin riyul’ nga gum’ircha’rad. Mab fel’ ni ngar rin’ed e re n’ey ko ngiyal’ ni ka yad bbitir. (De 6:7; Pr 22:6) Machane gur, faan yad ra rin’ e re n’ey, ma bay boch ban’en nthingar ra paged farad riy? Arrogon, machane angin nra yib riy e ba ga’ fan ko tin ni kar paged fan.​—3Jo 4.

Boor ban’en nrayog ni nge fil e piin gallabthir rok Josef nge Maria. Gubin e duw ni ma yan e “gallibthir rok Jesus nga Jerusalem ni fan ko madnom ni Paluk’af” ni yugu aram rogon ni boor ban’en nthingar ra fal’eged rogon u m’on riy ma boor e salpiy nib t’uf ni ngan fanay ngay. (Lu 2:41) Ba mudugil ni n’en th’abi ga’ fan u wan’ Josef nge Maria e nge chugur e tha’ u thilin Jehovah nge chon e tabinaw rorow. Ere ku taareb rogon ko ngiyal’ ney nrayog ni nge pow’iy e piin gallabthir pi fakrad ni nga ranod ko bin nib mat’aw e kanawo’ ni aram e ngar filed e tin riyul’ ngorad u daken e thin nge ngongol rorad ni gubin ngiyal’.​—Ps 127:3-5.

NGAN YALIY FARE VIDEO NI KENGGIN E THEY TOOK EVERY OPPORTUNITY, NGEMU’ MIN WELIY E FULWEG KO PI DEER NI BAARAY:

• Uw rogon ni i ulul Jon nge Sharon Schiller ni ngar m’onegew e pigpig ni yow be tay ngak Jehovah u nap’an ni yow be chuguliy fakrow?

• Mang fan nthingari fonownag e piin gallabthir pi fakrad ni be yan u rogon reb e bitir nge reb?

• Mang boch ban’en nrayog ni nge rin’ e piin gallabthir u m’on riy ya nge yag ni ngar ayuweged pi fakrad ni ngar pared ni yad ba mudugil u nap’an nra yib e skeng ngorad?

• Mang boch ban’en ni ke fal’eg e ulung rok Jehovah ni kam fanay ni nge ayuweg e bitir rom ni nge fel’ e tha’ u thilrow Jehovah?