Mang e Ga Ra Rin’ u Ngal’an e Yal’?

Bay rogon e michan’ rodad ko pagan’ rodad. Bod ni faanra ba gel e michan’ rodad ngak Jehovah, ma aram e ba pagan’dad nra yororiydad me ayuwegdad. (Ps 23:1, 4; 78:22) Ma gad manang nnap’an ni gad be chugur i yan nga tungun e re m’ag nib kireb ney, ma ra gelnag Satan e togopuluw nra tay ngodad. (Re 12:12) Ere mang e rayog ni nge ayuwegdad?

NGAN YALIY FARE VIDEO NI KENGGIN E WHAT WILL YOU DO IN THE YEAR OF DROUGHT? NGEMU’ MIN PI’ E FULWEG KO PI DEER NI BAARAY:

1. Uw rogon ni kan taareb rogonnagdad ko fare ke “gek’iy” ni be weliy e Jeremiah 17:8 (BT)?

2. Mang reb e ban’en nrayog ni ngan taarebrogonnag nga gowelngin e “yal’”?

3. Mang e be rin’ gowelngin e yal’ ko fare ke “gek’iy,” ma mang fan?

4. Mang e baadag Satan ni nge kirebnag?

5. Uw rogon ni kan taareb rogonnagdad ngak e piin ni ke yoor yay ni yad ma un u sikoki?

6. Mang fan nthingar da ululgad ni nge pagan’dad ko fare tapigpig nib yul’yul’ mab gonop? Ma uw rogon ni yira skengnag e yul’yul’ rodad?

7. Mang fan nthingar da ululgad ni nge pagan’dad ko pi kenggin e motochiyel u Bible ni yugu aram rogon nra moningnagdad e girdi’ ko re fayleng ney?