Pi Reference ni Fan ko fare Babyor ni Pi N’en ni Ma Rin’ e Piin Kristiano nge Machib ni Yad Ma Tay
October 7-13
BOCH E THIN NIB GA’ FAN KO THIN ROK GOT | JAMES 3-5
“Ngam Dag e Gonop rok Got”
cl-E 221-222 ¶9-10
Gur, Ga Ma Pag e “Gonop ni Yib u Tharmiy” ni Nge Gagiyegnag e Yafos Rom?
9 “Bin som’on e fare gonop ni yib u tharmiy e mmachalbog.” Ra nge par be’ nib machalbog ma be yip’ fan ni nge par nib beech downgin ngu fithik’ i laniyan’. Be weliy e Bible ni gonop e ba l’ag rogon nga gum’irchaey, ma dabiyog ni nge par e gonop rok Got nga lan gum’irchaen be’ nib sug ko lem nge ar’ar nib kireb, fa ba kireb fan ni be rin’ boch ban’en. (Proverbs 2:10; Matthew 15:19, 20) Machane faanra ba machalbog gum’ircha’dad, ni aram e gad be gay rogon ni nge par nib machalbog nrogon nrayog rodad ni yugu aram rogon ndawor da flontgad, ma aram e gad ra ‘pi’ kerudad ko kireb ngad rin’ed e tin nib fel’.’ (Psalm 37:27; Proverbs 3:7) Ere gur, gathi ba puluw ni be weliy e Bible ni machalbog e aram e bin som’on i fel’ngin nib l’ag rogon ko gonop? Ya faanra ba kireb e ngongol rodad ma de fel’ e tha’ u thildad Jehovah, ma gur, uw rogon nrayog ni nge m’ug nriyul’ ni gad be dag e tin ka bay i pi fel’ngin ni kub l’ag rogon ko gonop rok Got?
10 “Ma fal’eg thiliy nge aw e gapas.” Fare gonop rok Got e ma k’aringdad ni ngad awnaged e gapas u thildad yugu boch e girdi’, ya ireray reb i wom’engin gelngin Got nib thothup. (Galatia 5:22) Gad ma athamgil ni nge dab da kirebnaged fare ‘gapas ni ir e ke m’ag’ e girdi’ rok Jehovah nga taabang. (Efesus 4:3) Maku gad ma gay rogon ni ngad awnaged e gapas u thildad be’ ni faanra ke yog ara ke rin’ ban’en ni ke kirebnag e gapas u thildad. Mang nib ga’ fan e re n’ey? Ya be yog e Bible ni gaar: ‘[Mu ulul] ngam athamgiliyed ngam . . . pired u fithik’ e gapas. Mi Got ni gadad ba t’uf rok me ir e ma pi’ e gapas e bay i un ngomed.’ (2 Korinth 13:11) Ere n’umngin nap’an ni gad ra gay rogon ni ngad pared nib aw e gapas u thildad yugu boch e girdi’, maku ra gapas thildad Got ni ir fare Got ko gapas. Rogon ni gad ma ngongol ngak pi walagdad e bay rogon ko tha’ u thildad Jehovah. Ere uw rogon nrayog ni ngad daged ni gad boch e girdi’ ni gad ma awnag e gapas? Ngad lemnaged reb e ban’en ni ke buch.
cl-E 223-224 ¶12
Gur, Ga Ma Pag e “Gonop ni Yib u Tharmiy” ni Nge Gagiyegnag e Yafos Rom?
12 “Ma sumunguynigey.” Gur, mang e be yip’ fan ni ngan sumunguynigey? Rogon ni yog boch e girdi’ nib llowan’ e fare bugithin ni Greek ni kan pilyeg ni “sumunguynigey” ni bay ko James 3:17 e ba mo’maw’ ni ngan pilyeg. Boch e girdi’ ni yad ma pilyeg e babyor e kar fanayed yu bugithin ni bod e “gum’an’” nge “ngan lemnag rogon laniyan’ be’.” Bay reb e footnote ko fare ke Bible ni New World Translation ni be weliy fan e re bugithin ney ni “t’ar lanin’uy.” Ere, uw rogon ni ngad daged nre fel’ngin ney ni bay rogon ko gonop rok Got e be gagiyegnag e tin ni gad ma rin’?
cl-E 224-225 ¶14-15
Gur, Ga Ma Pag e “Gonop ni Yib u Tharmiy” ni Nge Gagiyegnag e Yafos Rom?
14 [“Baadag ni nge fol,” NW]. Fare bugithin nu Greek ni kan pilyeg ni “baadag ni nge fol” e kemus nu roy u lan fapi Babyor ko Bible nni Yoloy Nsom’on ni Thin ni Greek e rayog ni ngan pirieg riy. Rogon ni yog be’ nib llowan’ e pi thin ney e “ba ga’ ni yima fanay nga rogon ni yima yal’uweg girdien e salthaw.” Ya be weliy rogon be’ nib “mom ni ngan tamilangnag ban’en ngak me fol riy” nge “rogon nib m’agan’ ngay ni nge fol.” Be’ ni ma pag e gonop rok Got ni nge pow’iy e ba m’agan’ ngay ni nge fol ko pi fonow u lan e Bible. Ma gathi ir be’ ni ma siyeg ni nge fol u reb e ban’en ni ka nog ngak ni faanra ba thil ko n’en ni be lemnag. Machane ba m’agan’ ngay ni nge thilyeg e lem ara ngongol rok nib papey ni faanra bay e fonow u Bible ni be tamilangnag nde puluw. Gur, ireray rogon ni manangem boch e girdi’, fa?
“Ba Sug ko Runguy ma Ma K’uf ni Ngongol nib Fel’”
15 “Ba sug ko runguy ma ma k’uf ni ngongol nib fel’.” Runguy e aram reb i fel’ngin nib ga’ fan ni kub l’ag rogon ko gonop rok Got. Aram fan ni ka nog nre gonop ney e ba “sug ko runguy.” Mu tay fanam i yan riy ni kan weliy murung’agen e “runguy” nge “ngongol nib fel’” u taabang. Mab puluw e re n’ey ni bochan e ba ga’ ni ma weliy e Bible murung’agen e runguy ni nge yip’ fan ni ga be lemnag rarogon yugu boch e girdi’. Ma nap’an ni ga ra runguy be’ ma aram e n’en nra k’aringem ni ngam rin’ boch ban’en nib fel’ ni fan ngak. Be weliy reb e babyor fan e re bugithin ney ni aram e “ga be kireban’ ngak be’ ni be mada’nag e gafgow ma ga be guy rogon ni ngam ayuweg ko n’en nib t’uf rok.” Ere gonop rok Got e gathi kemus ni ban’en ni ngan lemnag, ya aram ban’en ni gad ma thamiy. Ere uw rogon ni ngad daged ni gad ba sug ko runguy?
cl-E 226-227 ¶18-19
Gur, Ga Ma Pag e “Gonop ni Yib u Tharmiy” ni Nge Gagiyegnag e Yafos Rom?
18 “Ma taareb rogonnag e girdi’ u wun’uy.” Be’ ni bay e gonop rok Got rok e der ma laniyan’ ngak e girdi’ nib thil e nam rorad, ara ramaen dowrad, ma der ma uf ni bochan e nam rok. Ere faan gad ra pag e gonop rok Got ni nge pow’iydad, ma aram e gad ra guy rogon ni ngad chuweged fare lem ni dab da taareb rogonnaged e girdi’ u lanin’dad. (James 2:9) Bochan e re n’ey, ma darud tolangnaged boch e girdi’ nga boch ni bochan tolngin e skul rorad, ara bochan ni boor e salpiy rorad, ara bochan e maruwel ni yad ma rin’ u lan e ulung. Ku darud sapgad nga but’ ngak boch e walag ni yugu aram rogon ni yima lemnag ni yad ba sobut’. Ya faanra ke tay Jehovah e pi walag ney ni yad ba t’uf rok, me ere susun ni bay rogon ni ngad t’ufeged yad.
19 “Der ma dake modingnigey.” Fare bugithin nu Greek ni kan pilyeg ni “modingnigey” e rayog ni nge yip’ fan “be’ ni be yan u yaan ban’en ni nge guy e girdi’.” Kakrom u nap’an piyu Greek nge piyu Roma ma piin ni yad ma yan u yaan boch ban’en ni nge guy e girdi’ e bay ban’en ni yad ma upunguy nga owcherad. Ere, aram fan ni munmun ma yima weliy e re bugithin nu Greek ney ni kan pilyeg ni “modingnigey” ni nge yip’ fan be’ ni ma ngongol ni be dake aram e bin riyul’ i rarogon. Re fel’ngin ney nib l’ag rogon ko gonop rok Got e gathi kemus ni nge gagiyegnag rogon e ngongol rodad ngak e pi walag, ya susun ni ngki gagiyegnag rogon ni gad ma lemnagrad.
Ngan Fal’eg i Gay Boch Ban’en nib Ga’ Fan ko Thin rok Got
Tin Ba Ga’ Fan ko Babyor rok James nge Peter
4:5—Mang thin nu Bible e fek James e re thin ney riy? De fanay James reb e verse u Bible u roy. Machane re thin rok ney ni kan thagthagnag e dabisiy ni kan puluwnag ko thin nu Bible ni bod ko Genesis 6:5; 8:21; Proverbs 21:10; nge Galatia 5:17.
Michan’ E Ma N’igindad Ngad Pired Ni Gadad Ba Gum’an’ Ma Ra Ayuwegdad Nga Ud Meybilgad
8 Ba denen ni ngan thibthibnag be’ ni walagey. (James 4:11, 12) Machane aram rogon boch e Kristiano ni yad ma thibthibnag e pi walagrad, sana yad be rin’ ni bochan ni yad be lemnag ni yad ba mat’aw ara yad baadag ni ngar tolangnaged yad mar sobut’naged yugu girdi’. (Psalm 50:20; Proverbs 3:29) Fare bugithin nu Greece ni kan piliyeg ‘weliy ban’en nib togopuluw’ e ma sor fan ko fanenikan ma baga’ ni aram e thin nni tunguy nde riyul’. Aram rogon nra thibthibnag be’ walagen. Machane uw rogon ni ba m’ag riy ni yibe “welthin nib togopuluw ko fare Motochiyel min thibthibnag e re Motochiyel nem? Amu lemnag e pi scribe nge Farise ni ur ‘dariy fannaged e thin rok Got’ mu ur turguyed boch ban’en ko lem rorad. (Mark 7:1-13) Ku aram rogon e ngiyal’ ney, faanra gad ra turguy nde mat’aw be’ machane de lemnag Jehovah ni ir be nde mat’aw, ma gathi gad be welthin nib togopuluw ko motochiyel rok Got’ ma gathi gad be yog nde puluw? Faan gad ra gathibthibnag be’ ni walagdad, ma aram e darud maruweliyed e motochiyel ko t’ufeg.—Roma 13:8-10.
October 14-20
BOCH E THIN NIB GA’ FAN KO THIN ROK GOT | 1 PETER 1-2
“Thingar Mpired ni Gimed Ba Thothup”
Fare Biyul e Ba “Tow’ath” ni Ke Yib Rok e Chitamangidad u Tharmiy
5 Uw rogon nrayog ni ngad daged nib ga’ fan e ngachal rok Jehovah u wan’dad? Thingari m’ug ko ngongol rodad. Baadag Jehovah ni ngad pared ni gad ba thothup. (Mu beeg e 1 Peter 1:15, 16.) Re n’ey e be yip’ fan ni kemus ni yigoo ir e ngaud liyorgad ngak ma gad be fol rok u polo’ i gum’ircha’dad. Mus nga nap’an ni yira gafgownagdad, ma gad ma athamgil ni ngad ngongolgad u rogon nib puluw ko pi kenggin e motochiyel nge motochiyel rok. Maku reb e, ngongol nib fel’ ni gad ma rin’ e aram ramaedad ni be gal u p’eowchen e girdi’ ma yibe pining e sorok riy nga fithingan Jehovah. (Matt. 5:14-16) Bochan ni gad boch e girdi’ ni gad ba thothup, ma gad ma micheg u rogon ni gad ma par nib fel’ e pi motochiyel rok Jehovah ma de riyul’ e pi n’en ni ke yog Satan. Ma nap’an ni gad ra oloboch, ni ka ban’en ni ma buch, ma aram mad kalgadngan’dad ma gad digey e ngongol ni ud rin’ed ni be darifannag Jehovah.—Ps. 79:9.
Rogon i Mel’eg e Pi N’en nib Fel’ Nra Chuweg e Chalban
6 I fonownag Paul e pi Kristiano nu Roma ni gaar: “Dab kum paged fan bayang u dowmed ngak e denen.” Ki yog Paul ngorad ni ngar ‘lied ngem’ e ngongol rorad nib denen.’ (Roma 6:12-14; 8:13) U tabolngin e gi babyor nem e yog boch e pi “ngongol” nem riy. I weliy murung’agen e girdi’ ni tadenen ni gaar: “L’ugunrad e ba sug ko meybil ni nge buch ban’en rok be’.” “Yad ba gur ni ngar maad’adgad ku be’ ara ra thanged e pogofan.” “Dar nanged . . . rogon ni nge yib madgun Got u wan’rad.” (Roma 3:13-18) Faanra fanay be’ yu yang u ‘downgin’ nga kireb, ma aram e be kirebnag downgin. Bod rogon ni faanra i yaliy be’ yaan e ngongol ni puwlag ara cham, ma aram e be kirebnag downgin ya ke ‘pag fan lan owchen ngak e denen.’ Ere, pigpig ni be tay e taareb rogon ngab maligach nib alit ma de fel’ u wan’ Got. (Deuteronomy 15:21; 1 Peter 1:14-16; 2 Peter 3:11) Rib kireb wenegan e re n’ey!
Ngan Fal’eg i Gay Boch Ban’en nib Ga’ Fan ko Thin rok Got
Tin Ba Ga’ Fan ko Babyor rok James nge Peter
1:10-12. Baadag e pi engel ni ngar nanged fan e thin riyul’ ni ke yoloy e pi profet rok Got kakrom nib toar fan u murung’agen e ulung ko Kristiano ni kan dugliyrad. Machane, pi n’ey e ke tamilang fan u nap’an ni tabab Jehovah ni nge ngongol ni fan ko fare ulung. (Efe. 3:10) Gur, gathi thingar da folgad ko tin ni rin’ e pi engel ma ngad fal’eged i gay e ‘tin nib toar fan rok Got’?—1 Kor. 2:10.
it-2-E 565 ¶3
En ni Ma Yaliydad
En Th’abi Tolang ni Ma Yaliydad. Dabisiy ni ke sul Peter u daken e thin ni bay ko Isaiah 53:6 u nap’an ni weliy murung’agen e piin ni yad ‘bod e saf ni kar’ maloggad nrogon ni bay ko 1 Peter 2:25. Ya yog ni gaar: “Machane chiney e kan fulwegmed ni nguum leked Faanem ni ir e ma gafaliy e saf me ir e ma ayuweg lanin’med [“en ni ma yaliydad,” NW].” Mmutrug ni be weliy e re thin ney murung’agen Jehovah Got ni bochan ni piin ni be yol Peter ngorad e dawor ra maloggad rok Jesus Kristus nga orel, machane u daken Jesus e kan pow’iyrad kar sulod ngak Jehovah Got ni ir e En Th’abi Fel’ ni Ma Gafaliy e Saf. (Ps 23:1; 80:1; Jer 23:3; Eze 34:12) Ma fal’eg i yaliydad Jehovah ni bochan e ir e en ma ayuwegdad. (Ps 17:3) Nap’an nra fal’eg i yaliydad Jehovah (Gr., e·pi·sko·peʹ), ma re n’ey e ba muun ngay ni nge pufthinnagdad me gechignagdad ni bod e n’en ni rin’ ko fare mach nu Jerusalem u nap’an e bin som’on e chibog C.E. u nap’an ni gechignagrad ni bochan e der tamilang u wan’rad rogon e ngiyal’ ni “yib Got riy” ni nge fal’eg i yaliyrad [Gr., e·pi·sko·pesʹ]. (Lu 19:44) Fa reb e nap’an nra yib Jehovah ni nge fal’eg i yaliydad, ma n’en nra rin’ e rayog ni nge yib angin ngodad ni bod rogon e n’en nra buch rok e piin ni yad be n’uf Got ko rofen nra yib ni nge ‘fal’eg i yaliyrad [Gr., e·pi·sko·pesʹ].’—1Pe 2:12.
October 21-27
BOCH E THIN NIB GA’ FAN KO THIN ROK GOT | 1 PETER 3-5
“Ke Chugur Nga Tungun Urngin Ban’en”
Mu “Tiyan’med Nge Yog Ni Um Meybilgad”
BE’ NI i un nga reb e maruwel nnep’ e yog ni gaar: “Ngiyal’ nrib mo’maw’ ni ngan par ni yib od e aram e ngiyal’ ni kari chugur ni nge rran.” Boch e girdi’ ni kub t’uf rorad ni ngar odgad nge kadbul e ku ireray e n’en ni ku yad ra yog. Rayog ni ngad taareb rogonnaged e re n’ey ko ngiyal’ ney ni gad bay riy. (Rom. 13:12) Gad be par u tungun e re m’ag rok Satan ney. Ere, rib ga’ fan ni ngad ‘pired ni gad be filmunguyan’dad’, ma gad be fol ko fare fonow nu Bible ni be yog ni ngad ‘tedan’dad, nge yog ni ngad meybilgad.’—1 Pet. 4:7.
w99-E 4/15 22 ¶3
Rogon ni Ngad Nanged e Pi Meewar Rodad ma Gad Gelgad Ngay
Ma bin tomur riy e, dab mu pagtalin e re fonow ney ni pi’ apostal Peter u fithik’ e t’ufeg. I yog ni gaar: “Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yog ni um meybilgad. Ma re n’en ni ir e th’abi ga’ fan u fithik’ urngin ban’en e ngari bigimed me t’uf rok bigimed, ya rogon nib t’uf be’ rok be’ e ra upunguy boor e denen.” (1 Peter 4:7, 8) Bochan ndawor da flontgad, ma rib mom ni ngad paged e oloboch rodad ara oloboch rok be’ ni nge gagiyegnag gum’ircha’dad nge lem rodad me magawonnag e michan’ rodad. Manang Satan ni ireray reb e meewar rodad. Aram fan ni ma guy rogon ni ngad ruw raba’gad ya manang ni ireray reb e kanawo’ nrayog ni nge gel ngodad. Ere thingar da t’ufeged gadad ya aram rogon nrayog ni ngad upunguyed e denen rodad ma gad siyeg ni ngad “binged e kanawo’ ngak moonyan’” ni nge bannagdad.—Efesus 4:25-27.
Ireray e Ngiyal’ Nrib T’uf ni Ngaud Golgad Ngodad!
2 Reb ko pi n’en ni pi’ Peter e athamgil riy nga laniyan’ e pi walag e aram e gaar ngorad: “Mbinged e tabinaw romed ngomed” ara um golgad ngomed. (1 Pet. 4:9) Fare bugithin ni ‘gol’ ko thin ni Greek e be yip’ fan ni “ngan t’ufeg ara ngan gol ngak e milekag.” Machane, mu tay fanam i yan riy ni yog Peter ngak e pi walag ni Kristiano ni ngar golgad ‘ngorad,’ ara ngar golgad ngak e piin ni yad manang ara yad ma chag ngorad. Faan yad ra rin’ e re n’ey, ma uw rogon nra ayuwegrad?
3 Ra chugurnagrad nga taabang. Am lemnag e n’en ni ke buch rom. Ba’ bayay ni ke piningem be’ nga tafen, fa? Gathi bay boch ban’en nim rin’ed u tafen e cha’nem ni kam felfelan’ ngay ma ke par u lanin’um? Nap’an ni kam pining boch e walag u lan e ulung nga tafenam, ma gathi ke gel e chugur ko tha’ u thilmed? Faanra ud pininged pi walagdad nga tafedad, ma aram e rayog ni ngad nanged yad nib fel’ rogon. Pi Kristiano u nap’an Peter e ba t’uf ni ngar chugurgad nga taabang ni bochan e be gel e mo’maw’ ko par e ngiyal’ nem. Ku arrogon e n’en nib t’uf ni nge rin’ e pi Kristiano e ngiyal’ ney ko “tin tomren e rran.”—2 Tim. 3:1.
Ngan Fal’eg i Gay Boch Ban’en nib Ga’ Fan ko Thin rok Got
w13-E 6/15 23
Deer ko Piin Ma Beeg
Be yog e Bible ni machibnag Jesus “fapi kan ni kan kalbusnagrad.” (1 Pet. 3:19) Mang e be yip’ fan e re thin ney?
▪ Ke weliy apostal Peter ni pi kan nem e aram e pi kan nda ur “folgad rok Got ko fa ngiyal’ nem ni i sonnagrad Got riy u fithik’ e gum’an’, ni fa ngiyal’ i n’em ni toy Noah fare ark riy.” (1 Pet. 3:20) Ba tamilang ko re thin ney ni be weliy Peter murung’agen e pi kan nra dugliyed ni ngar uned ngak Satan ko togopuluw. Ki weliy Jude murung’agen “fapi engel nra thum’gad nga wuru’ i mat’awrad ni pi’ Got ngorad.” Ma aram me yog ni ke tayrad Got u “fithik’ e lumor u ar ni ke m’agrad ko chen ndabi m’ay biid yad be sonnag fare Rran ni ba ga’ ni ir e bay ni gechignagrad riy.”—Jude 6.
Uw rogon ni ke togopuluw e pi kan nib kireb u nap’an Noah? U m’on ni nge Tharey e Ran e Fayleng me thilyeg boch e engel dowrad ngar feked downgin e girdi’ nre n’ey e ba togopuluw ko n’en nib m’agan’ Got ngay ni fan ngorad. (Gen. 6:2, 4) Maku reb e, pi engel nem nra pared boch e ppin nu fayleng e yad be rin’ boch ban’en nde yalen, ya de sunmiyrad Got ni ngar pared e piin nib pin u fayleng. (Gen. 5:2) Aram fan nra taw ko ngiyal’ ni ke dugliy Got ma ra thang e pi engel ney. Machane chiney e yad bay u “fithik’ e lumor” ara kan kalbusnagrad ni bochan e dakur fel’gad u wan’ Got ni bod rogon ni yog Jude.
Mingiyal’ e machibnag Jesus fapi “kan ni kan kalbusnagrad,” ma uw rogon? Ke yoloy Peter ni rin’ Jesus e re n’ey u tomuren ni “fos” ko yam’. (1 Pet. 3:18, 19) Mu tafinayem riy ni yog Peter ko re thin ney ni i “machib” Jesus. Rogon ni be m’ug ko re thin ney e ngiyal’ ni machib Jesus riy e buch u m’on ni yoloy Peter e bin som’on e babyor rok. Gowa ke yan ni m’ug ni ba ngiyal’ u tomuren nni faseg Jesus ko yam’, ma aram me yan ni non ngak e pi kan nib kireb nem u murung’agen e gechig ni yira tay ngorad. Thin ni i machibnag ngorad e gathi ban’en nra pi’ e athap ngorad, ya aram e gechig nra tay Got ngorad. (Jonah 1:1, 2) Ere ka nap’an ni dag Jesus rogon gelngin e michan’ nge yul’yul’ rok nge mada’ ko ngiyal’ ni li’ nge yim’ min faseg ko yam’, ma re n’ey e ke micheg ndabiyog ni nge gagiyegnag Moonyan’ Jesus, ma aram e ke yib mat’awun nrayog ni nge yog ni ngan gechignag e pi kan nem.—John 14:30; 16:8-11.
Ra boch nga m’on ma ra m’ag Jesus Satan nge pi engel rok nge yon’rad nga lan fare low nib toar. (Luke 8:30, 31; Rev. 20:1-3) Machane ka nap’an e ngiyal’ ni kan kalbusnagrad u fithik’ e lumor ni aram e dakur fel’gad u wan’ Got nge yan i mada’ ko ngiyal’ ni yira gechignagrad, ma ke dugil ni yira thangrad.—Rev. 20:7-10.
Tin Ba Ga’ Fan ko Babyor rok James nge Peter
4:6—Mini’ e ‘piin nib yam’’ ni ‘kan machibnag fare thin nib fel’ ngorad’? Yad e piin ni yad ‘ba yam’ nbochan e denen rorad,’ ara yad ba yam’ u m’on nrung’aged fare thin nib fel’. (Efe. 2:1) Machane tomren ni ke mich fare thin nib fel’ u wan’rad mar ‘fasgad’ ko tirok Got ban’en.
October 28–November 3
BOCH E THIN NIB GA’ FAN KO THIN ROK GOT | 2 PETER 1-3
“Mu Par ni Ga Be Sonnag e ‘Chirofen ni Ir e Rran rok’ Jehovah”
Ra Turguy Jehovah e “Tin ni Ir e Mmat’aw”
11 Machane, uw rogon ni gad ra nang fan e thin rok Jesus ni be micheg ni ra rin’ Jehovah e tin ni ir e mat’aw nib “papey”? Ba tamilang u lan e Thin Rok Got ni yugu aram rogon ni ‘be gum’an’nag [Jehovah] ir u puluwdad’ ma ra pi’ e gechig u ngal’an. (Luke 18:7, 8; 2 Peter 3:9, 10) Nap’an Noah e ni gechignag e piin nib kireb ni papey u nap’an ni tharey e day e fayleng. Ku arrogon u nap’an Lot nni gechignag e piin nib kireb u nap’an ni yib e nifiy u lang nga but’. I gaar Jesus: “Ereram rogon nra yan i aw ko chirofen ni nge m’ug e en ni Fak e Girdi’ riy.” (Luke 17:27-30) Ngiyal’ nem e ku ra yib e magothgoth nib tomgin mi “yad da’da’ ni ke taw e riya’ ngorad.” (1 Thessalonika 5:2, 3) Rayog ni nge michan’dad ngay ni dabi pag Jehovah ni nge par e m’ag rok Satan ni reb e rran nge pag ngal’an ni ngan rin’ e tin nib mat’aw.
“Fare Rran Rok Jehovah Nib Ga’ E Ke Chugur”
18 Arfan ni yog Paul ni apostal ngodad ni ngarda lemnaged “e chirofen nem ni ir e rran rok Jehovah”! Uw rogon nrayog ni ngan rin’ e re n’ey? Reb e kanawo’ e aram e “pangimed e nge par nib thothup ma kam pied gimed nga pa’ Got.” (2 Peter 3:11, 12) Yira par ni yibe rin’ e pi n’ey ma rayog ni ayuwegdad ni ngad pared ni kad fal’eged rogodad u m’on ni nge taw fare “rran rok Jehovah.” Fare thin nu Greek ni kan piliyeg ni “ngan lemnag” e be yip’ fan ni “ngan papey”. Dabiyog ni ngad papeynaged e ngiyal’ ni ka ba’ nge taw ko fare rran rok Jehovah. Machane, nap’an ni gad be sonnag e re rran nem, ma ra yan e re tayim nem nib papey ni faanra gad be tedan’dad ko pigpig rodad ku Got.—1 Korinth 15:58.
Ngan Fal’eg i Gay Boch Ban’en nib Ga’ Fan ko Thin rok Got
Tin Ba Ga’ Fan ko Babyor rok James nge Peter
1:19—Mini’ fare “fasuran,” ma wuin e ke m’ug, ma uw rogon ni gad ra nang ni ke buch e re n’ey? Fare “fasuran” e Jesus Kristus ni be gagiyeg u Gil’ilungun. (Rev. 22:16) Nap’an e duw ni 1914, me mang Pilung ni pow riy ni ke chugur ni nge yib e bin nib beech e rran. Yaan Jesus ni thil e be dag rogon e flaab nge gagiyeg rok ni be micheg ni thin rok e riyul’. Yira tiyan’uy ko re thin ney ma ra pi’ e tamilang nga gum’ircha’dad, ma gad ra nang ni ke m’ug fare Fasuran.
Tin Ba Ga’ Fan ko Babyor rok James nge Peter
2:4—Mang e “Tartarus,” ma mingiyal’ e non’ fapi engel nra denengad e ngaram? Tartarus e bod ba kalbus ni kemus ni engel e kan ta’ ngay—gathi girdi’. Ba dodow ni ke par lanin’uy u fithik’ e lumor ko tin nib m’agan’ Got ngay. Pi engel ni ka nin’rad ngay e dakuriy e athap rorad ko gabul nge langlath. I yin’ Got e pi engel nib kireb nga Tartarus u nap’an Noah, ma yad ra par ni aram rogon nge ni mada’ ko ngiyal’ ni yira thangrad riy.