Boor Ban’en Nrayog ni Nge Fil e Piin Pilibthir Ngodad

48:21, 22; 49:1; 50:24, 25

Nap’an nra weliy e pi walag ni kar pilibthirgad murung’agen e tin ke rin’ Jehovah nib “manigil” u nap’an e tin tomuren e rran, ma re n’ey e ra gelnag e michan’ rodad ngak Jehovah nge tin ke micheg. (Ps 71:17, 18, BT) Ere faanra bay e pi walag ni kar pilibthirgad u lan e ulung rom, mag fithrad u murung’agen

• rogon ni ke ayuwegrad Jehovah ni ngar gelgad ko magawon ni ur mada’naged u nap’an ni yad be pigpig ngak

• rogon e lem rorad u nap’an ni kar guyed ni ke yoor e tamachib ko Gil’ilungun Got u lan e pi duw ni ke yan

• rogon e felfelan’ ni kar ted u nap’an ni kan thilyeg rogon ni yibe tamilangnag boch e tin riyul’ u Bible

• e pi n’en ni kar guyed u rogon ni yibe mon’ognag boch ban’en u lan e ulung rok Jehovah