Mich Riy ni Ke Tow’athnagrad Jehovah

8:6-9, 12; 9:1-5, 23, 24

Nap’an nni ognag e tin som’on e maligach ni mooruf u nap’an ni yibe rin’ boch ban’en ya nge yag ni tabab e piin owchen Aron ni kar manged prist ko maruwel rorad, me n’igin Jehovah ni nge yib e nifiy u tharmiy nge urfeg fapi maligach. Re n’ey e m’ug riy nib m’agan’ Jehovah ko re yaram nem ma ra ayuweg e piin kan tayrad ko re liw nem. Ere pi’ Jehovah e athamgil ngak e piin kar muulunggad ngaram ni yad be guy e n’en be buch nib t’uf ni ngar ayuweged e pi prist nem mar folgad rorad. Ngiyal’ ney e be maruwel Jehovah u daken Jesus Kristus ni kan tolangnag ke mang Prist rodad Nth’abi Tolang. (Heb 9:11, 12) Nap’an e duw ni 1919, me dugliy Jesus bochi ulung i pumoon ni kan dugliyrad ni ngar manged “fare tapigpig nib yul’yul’ ma ba gonop.” (Mt 24:45) Mang e mich riy ni ka be tow’athnag Jehovah e re ulung i tapigpig ney ni yad ba yul’yul’, ma be ayuwegrad, ma yad ba fel’ u wan’?

• Yugu aram rogon ni ka be mada’nag fare tapigpig nib yul’yul’ e togopuluw, machane ka be ulul ni nge pi’ e tin nib t’uf rodad ni fan ko tirok Got ban’en

• Yibe machibnag fare thin nib fel’ u “gubin yang u fayleng” ni bod rogon ni kan yiiynag.​—Mt 24:14

Uw rogon nrayog ni ngad ayuweged fare tapigpig nib yul’yul’ mab gonop ma gad fol rorad?