Pi Reference ni Fan ko fare Babyor ni Pi N’en ni Ma Rin’ e Piin Kristiano nge Machib ni Yad Ma Tay
December 7-13
BOCH E THIN NIB GA’ FAN KO THIN ROK GOT | LEVITIKUS 10-11
“Thingari Gel e T’ufeg Rodad ngak Jehovah ko T’ufeg Rodad ngak Chon e Tabinaw Rodad”
it-1-E 1174
Ngan Rin’ Ban’en Ndawor ni Pi’ Mat’awuy ni Ngan Rin’
Nifiy nge Incense nni Af Nga Lan Barba’ i Ban’en Ngan Ognag Ndawor ni Pi’ Mat’awuy. Fare bugithin ni Hebrew ni zar (za·rahʹ; ni be yip’ fan ban’en ni gathi ri ma buch) ni bay ko Levitikus 10:1 e kan fanay ni bay rogon ko fare nifiy ni af Nadab nge Abihu ni fa gal pagel ni fak Aron nga lan ban’en ngar ognagew ngak Jehovah ni yugu aram rogon ndawori yog ngorow “ni ngar piew e maligach ngak ni aray rogon.” Aram fan ni pag Jehovah e nifiy nge yib i urfiyrow ngar m’ow. (Le 10:2, BT; Nu 3:4; 26:61) Tomuren e re n’ey, ma aram me gaar Jehovah ngak Aron: “I gur nge fapi pumoon ni fakam e nap’an ni gimed ra unum e wain ara ban’en ni yima ching ngay ma dab kum bad nga lan fare Tent u p’eowcheg; ya faan gimed ra rin’, ma gimed ra yim’. Re n’ey e nge par nib motochiyel rok e piin owchemed e chiney i yan ngaram. Thingar mu kieged e tin fen Got ban’en nge tin yug fanay, nge tin tabgul ban’en nge tin ba taay. Ma thingar mu filed ngak e girdi’ nu Israel urngin fapi motochiyel ni kug pi’ ngomed u daken Moses.” (Le 10:8-11, BT) Re n’ey e be tamilangnag nrayog nib ching Nadab nge Abihu u nap’an nra ognagew fare maligach. Rayog ni ireray e n’en ni k’aringrow nda kur rusgow ni ngar afew e nifiy nga lan barba’ i ban’en ngar ognagew ngak Jehovah ni yugu aram rogon ndawori pi’ mat’awrow ni ngar rin’ew e re n’ey. Rayog ni kar ognagew u ba ngiyal’ ara u bang ndanir rin’ e re n’ey riy, ara u reb e kanawo’ ni gathi aram rogon ni yima rin’ riy. Fa reb e rayog ni fare incense ni kar ognagew e ba thil ko fare incense nib fel’ rogon ni kan athukuy ni kan weliy murung’agen ko Exodus 30:34, 35. Ma bochan ni yow ba ching, ma susun e dabi mang tawey rorow ni ngar rin’ew e biney e denen.
Ga Be Un Ngak Got ko Toffan, Fa?
Aron ni walagen Moses e mada’nag reb e skeng nib mo’maw’ ni bochan e n’en ni rin’ l’agruw e pumoon ni fak ni Nadab nge Abihu fithingrow. Gal pumoon ney e ra piew e maligach ngak Jehovah u reb e kanawo’ nde m’agan’ ngay, ma aram me pag e nifiy u tharmiy nge li’row. Am lemnag gelngin e kireban’ ni tay Aron, ya dabkiyog ni nge non ngorow. Machane, ku bay ban’en ni yog Jehovah ni kub gel e mo’maw’ riy. I gaar Jehovah ngak Aron nge pi fak ni yad ba yul’yul’: “Dab mu ted lolugmed ndab kum ruwayed ara mu guchthuyed e mad romed ni gimed be dag ni be taganan’med. Ya gimed ra rin’, ma gimed ra yim’, ma ra damumuw Somol ngak yu Israel ni ga’ngin.” (Lev. 10:1-6, BT) Ba tamilang e re n’ey. Thingari gel e t’ufeg rodad ngak Jehovah ko t’ufeg rodad ngak chon e tabinaw rodad nde t’uf Jehovah rorad.
Ngan Fal’eg i Gay Boch Ban’en nib Ga’ Fan ko Thin rok Got
Thingari Thothup e Ngongol Rodad
Ra ngad pared ni gad ba thothup, ma thingar ud fal’eged i fil e Bible rodad nib fel’ rogon ma gad rin’ e tin ni baadag Got ni ngad rin’ed. Am lemnag fa gal pagel ni fak Aron ni ka nog Nadab nge Abihu ngorow. I li’row Got ngar m’ow ni bochan e ra afew e kol ni be yik’ nga langgin barba’ i ban’en ni ma par e nifiy u langgin ngar “piew nib maligach” ngak Got ni sana yow ba ching. (Lev. 10:1, 2, BT) Am lemnag e n’en ni yog Got ngak Aron. (Mu beeg e Levitikus 10:8-11.) Gur, re thin ney e be yip’ fan nib kireb ni ngad unumed ban’en ni bay e alkul riy u m’on ni nga darod ko muulung? Ga ra lemnag ma bin riyul’ riy e, da kud moyed u tan fare Motochiyel. (Rom. 10:4) Bay boch e nam ni ma garbod e pi walag riy nga buchuuw ban’en ni bay e alkul riy u nap’an ni yad be abich u m’on ni nga ranod ko muulung. Aningeg kap e wain ni un fanay u nap’an e madnom ko Paluk’af kakrom. Maku, nap’an ni tababnag Jesus fare Puguran ko yam’ ni tay, mu kur unumed pi gachalpen e wain ni be yip’ fan rachaen. (Matt. 26:27) Machane, be yog e Bible nib kireb e muun rrum nib pag rogon nge chingaw. (1 Kor. 6:10; 1 Tim. 3:8) Ma boor e Kristiano ndab ra unumed ban’en ni bay e alkul riy u m’on ni ngar rin’ed e pi n’en ni yima rin’ ni fan ko liyor rodad ngak Got ni bochan e dabi pagrad e nangan’ rorad ni ngar rin’ed e re n’ey. Machane, ra reb e nam ma rogon ni yima rin’ boch ban’en riy, ma n’en nib ga’ fan ni nge rin’ e piin Kristiano e ngar nanged e n’en nib thil u thilin e “tin fen Got ban’en” ara tin nib thothup nge tin nib kireb ya nge yag ni ur pared ni yad ba thothup u mit Got.
it-1-E 111 ¶5
Gamanman
Kemus ni piin yad bay u tan fare Motochiyel rok Moses ni aram piyu Israel e dab ra longuyed e re miti gamanman ney ni bochan e be gaar fare thin ko Levitikus 11:8, BT: “Yad ba taay.” Bochan e yafos rok Kristus Jesus ni pi’ nib maligach, ma aram e n’en ni ke chuwegey u tan fare Motochiyel. Pi n’en nthingar dab ni rin’ ni bay u tan fare motochiyel e kan chuweg. Ere rayog ko girdi’ ni ngar longuyed urngin mit e gamanman ndariy e racha’ u fithik’ mar ked urngin e woldug ni bod rogon ni tay Got chilen ngak Noah u tomuren fare Ran ni Tharey e Fayleng.—Kol 2:13-17; Ge 9:3, 4.
December 14-20
BOCH E THIN NIB GA’ FAN KO THIN ROK GOT | LEVITIKUS 12-13
“Mu Fil Ban’en ko Pi Motochiyel ni Fan Ngak e Piin nib Daraw”
Gur, Rriyul’ Ndaki M’ag Ko Ngiyal’ Ney, Fa Bay E Thin Riy Nib N’uw Nap’an Mfini Tamilang U Wan’uy?
• Ngan tay e piin nib m’ar nga bang.
Rogon ni bay ko Motochiyel rok Moses e piin nib daraw e thingar ni tayrad nga bang nib palog ko girdi’. Nap’an ni sum boch e m’ar nib mom ni ma af u thilin e 500 nge mada’ nga bang ko 1500 C.E., mfin aram e ngiyal’ ni nang e pi togta nib t’uf ni ngar folgad ko re kenggin e motochiyel ney. Mus ko ngiyal’ ney ni ka be yib angin e re n’ey.—Levitikus ko guruy ni 13 nge 14.
wp16.4-E 9 ¶1
Ga Manang Murung’agen e Re N’ey, Fa?
Pi Jew kakrom e yad ma rus nga ba mit e daraw nib ga’ ni immoy kakrom. Re miti daraw ney e rayog ni nge kirebnag e thamtham ko girdi’, ma rayog ni nge kirebnag downgiy ndabkiyog ni nge sul nga rogon, maku yima mugutgut riy. Dariy falayin e mit ney e m’ar. Ere piin ma yib ngorad e yima tayrad nga bang nib palog ko gin bay e girdi’ riy, ma thingar ra tolulgad u nap’an nra chugur e girdi’ nga charrad ya nge nang e girdi’ ni yad ba taay.—Levitikus 13:45, 46.
it-2-E 238 ¶3
Pethethaw
Ke af ko mad nge naun. Rayog ni nge sum e pethethaw ko mad ni wech, ara yugu bang e mad ni kan ngongliy u bunuen e saf, ara keru’ e gamanman, ara ban’en nni ngongliy u keru’ e gamanman. Rayog ni nge chuw e re pethethaw ney u nap’an ni yira maluknag e n’en ni ke af ngay, maku bay e yaram u rogon ni ngan tay e pi n’ey nga bang ni kan maluknag. Machane faanra bay ban’en ni ke sum e re miti pethethaw ney ngay nib dake yarra’ i gulunglung raen ara ba dake ba row, mab t’uf ni ngan urfiy e re n’em. (Le 13:47-59) Ma faanra ke sum nga dow e rungrung u reb e naun, ma fare prist e nge yog ni ngan loknag e mab ko fare naun ndakuriy be’ ni nge yan nga langgin. Ku rayog nib t’uf ni ngan chuweg e pi malang ni ke sum fare pethethaw nga daken, min ker e thal ni langgin e rungrung u baan naun nga nin’ nga bang nib taay u wuru’ fare binaw. Faanra ke sul bayay fare pethethaw ko fare naun ma aram e ke taay fare naun ma ngan buthug nga but’, min fek e malang riy, nge gek’iy, nge urngin e yungi rungrung riy i yan nga bang nib taay u wuru’ fare binaw. Machane faanra bay reb e naun ni ke yog fare prist ndaki taay, ma bay e yaram u rogon ni nge beech bayay fare naun. (Le 14:33-57) Ka nog nre miti pethethaw ney ni ma sum ko mad ara naun e ba mit e ban’en ni bod e l’aw, machane dabiyog ni ngarin micheg.
Ngan Fal’eg i Gay Boch Ban’en nib Ga’ Fan ko Thin rok Got
Tin Baga’fan ko Fare Babyor ni Levitikus
12:2, 5—Mang fan ni gargel e ma “alitnag” e ppin? Yungi n’en u dowey ni ba’ rogon ko nge sum e bitir e kan sunmiy ni fan ni nge yibnag e yafas ko girdi’ nib flont. Machane, bochan wenegan e denen ma ke af ko girdi’, e yafas ni de flont nge denen ni ke garer i yan ko girdi’. Fare n’en ni be’ e nge par nib ‘alit’ u lan ba ngiyal’ ni ba’ n’umngin nap’an ni bochan e ke gargel, nge ku boch ban’en, ni bod e pal nge ke yib logowen dowey, e ke ayuweg piyu Israel ni ngar nanged ni yad e tadenen. (Levitikus 15:16-24; Psalm 51:5; Roma 5:12) Fare motochiyel ni ngan machalbognag be’ ni ke alit e ra ayuweg piyu Israel ngar nanged nib t’uf rorad e maligach ni nge upunguy e denen ma nge sulweg e girdi’ ngar flontgad. Ere fare motochiyel e ke bod “be’ ni be pow’iyrad ngak Kristus.”—Galatia 3:24.
Gur, Rriyul’ Ndaki M’ag Ko Ngiyal’ Ney, Fa Bay E Thin Riy Nib N’uw Nap’an Mfini Tamilang U Wan’uy?
• Ngiyal’ ni ngan maad’adnag be’.
Be yog e Motochiyel rok Got nsusun e ngan maad’adnag reb e bitir nib pagel ko bin meruk e rran u tomuren ni kan gargeleg. (Levitikus 12:3) Ke tamilang u wan’uy nu tomuren e bin m’on e wik ni kan gargeleg reb e bitir e fin aram e ngiyal’ nrayog ko fare tir ni nge tal e racha’ u fithik’ i dow ndabi map’ nib pag rogon u nap’an ni ke math’ bang u dow. Re n’em ni un rin’ kakrom u m’on ni nge mon’og e tafalay, ni aram e yima son nib pag reb e wik mfin ni maad’adnag reb e bitir e rayog ni nge ayuweg fare tir ndabi yim’.
December 21-27
BOCH E THIN NIB GA’ FAN KO THIN ROK GOT | LEVITIKUS 14-15
“Thingari Par e Bin Riyul’ e Liyor nib Beech”
it-1-E 263
Maluk
Boor fan ni ma maluk piyu Israel. Ra chuw e daraw rok be’, ara ke math be’ nga ban’en ni ka i math be’ ngay ni be “lul’ logowen dow” ndemtrug ko be’ nib pumoon ara be’ nib pin ni ka fini mu’ ko luw, ara be’ nib pin nder tal rachaen nge pag nap’an, ara ke par be’ nib pumoon nge be’ nib pin, ma aram e gubin e pi cha’ney ni kar ‘taaygad’ nib t’uf ni ngar malukgad. (Le 14:8, 9; 15:4-27, BT) Ma faanra bay be’ u lan ba tent ni bay be’ ni ke yim’ riy, ara ke math facha’ ko fare yam’, ma aram e ke “taay” facha’ nib t’uf ni nge maluk ko ran nib beech. Faanra siyeg be’ ni nge fol ko re motochiyel ney, ma aram e “dab kun tay ni reb e girdi’ rok Got” ni bochan e “ke taaynag e Tent rok” Jehovah. (Nu 19:20, BT) Ere ba puluw ni ngan fanay e ran ni yima maluk ngay ni nge beechnagey ni nge yip’ fan ni kan beech u p’eowchen Jehovah. (Ps 26:6; 73:13; Isa 1:16; Eze 16:9) Ere thin rok Jehovah nib riyul’ e rayog ni ngan susunnag ko ran nnap’an ni yira maluk ngay me beechnagey.—Efe 5:26.
it-2-E 372 ¶2
Ke Luw Be’ nib Pin
Faanra luw be’ nib pin ma “der ma tal rachaen nge pag nap’an” ma ra par nib taay u n’umngin nap’an ni ka be yan rachaen, ma demtrug e re n’en nra mol nga daken ara par nga daken ma ke taay, ma en nra math ko gali n’ey e ku ra taay. Nap’an nra tal rachaen fare pin ma thingari son nge gaman medlip e rran, ma aram e ke arow. Rofen nra gaman e meruk fen ngay e ra fek l’agruw i arche’ ni dove, ara l’agruw i bulogol i yan ngak e prist ni nge pi’ ni maligach ni fan ko denen rok. Reb ko fa gal arche’ e ngan ognag ngak Jehovah ni maligach ko denen, ma reb e ngan ognag ni maligach ni mooruf.—Le 15:19-30, BT; mu guy e CLEAN, CLEANNESS.
it-1-E 1133
Gin nib Thothup
2. Fare tent ko m’ag rok Got ma boch nga tomuren, ma aram mu unog ni fare tempel rok Got. Gali n’ey nib muun ngay lan fare yoror ko tabernacle, nge lan e yoror ko fare tempel e yima yog ni bangi ban’en nib thothup. (Ex 38:24; 2Kr 29:5; Ac 21:28) N’en ni ma par u lan e yoror e aram fare altar ni yima pi’ e maligach u daken, nge fare raba’ i dabiy ni kan ngongliy ko bronze. Gali n’ey e ba thothup. Kemus ni piin yad bbeech e rayog ni nga ranod nga lan e yoror ko fare tabernacle. Ere ku arrogon ndabiyog ni nge yan be’ nga lan e yoror ko fare tempel nib taay. Bod ni faanra ba taay be’ nib pin ma dabiyog ni nge math nga ban’en nib thothup ara yan ko gin nib thothup. (Le 12:2-4) Ere ba tamilang ni faanra be par piyu Israel ni yad ba taay ma rayog ni ngkur taaynaged fare tabernacle. (Le 15:31) Piin ke chuw e daraw rorad ni kar feked e maligach rorad ni ngar pied ko prist e ngar pied ngak u langan e mab ko fare yoror. (Le 14:11) Dabiyog ni nge kay be’ nib taay e ufin ko fare maligach ni ma gapaseg thilin Got nge girdi’ ni bay ko fare tabernacle ara fare tempel. Ra rin’ ma aram e rayog ni ngan thang e fan rok.—Le 7:20, 21.
Ngan Fal’eg i Gay Boch Ban’en nib Ga’ Fan ko Thin rok Got
it-1-E 665 ¶5
Yuwan Teliy
Nap’an fare madnom nni tay ni fan ngak Aron nge pi fak ni kan dugliyrad ni ngar manged prist, ma aram me yog Jehovah ngak Moses ni nge fek rachaen fare saf ni pumoon ni kan fanay u nap’an fare madnom, nge thiy nga ba’ ni mat’aw i yuwan tel Aron nge pi fak, nge ba’ ni mat’aw i rifrifen pa’rad, nge ba’ ni mat’aw i rifrifen ayrad. Re n’ey e nge dag ni pi n’en ni yad ra motoyil ngay, nge maruwel ni yad ra rin’, nge rogon e ngongol rorad e susun ni nge puluw ko n’en nib m’agan’ Got ngay. (Le 8:22-24) Ku arrogon be’ ni ke chuw e daraw rok. Rogon ni bay ko fare Motochiyel e nge fek fare prist boch e racha’ ko fare saf ni pumoon ni kan pi’ ni maligach ni puluwon e denen nge boch ko fapi gapgep ni kan ognag nge thiy nga ba’ ni mat’aw i yuwan tel facha’. (Le 14:14, 17, 25, 28) Re yaram ney e taareb rogon ko n’en ni yima rin’ ngak reb e sib ni baadag ni nge ulul ko pigpig ni be tay ngak e masta rok u n’umngin nap’an e yafos rok. Fare sib e yima yan ni sak’iynag nga dow e ren u langan e mab, ma aram me kuruf fare masta rok yuwan tel. Re n’ey ni kan rin’ ngak e be yip’ fan nib m’agan’ fare sib ngay ni nga i par ni be fol ko masta rok.—Ex 21:5, 6.
g-E 1/06 14, kahol
Pethethaw—Boch e Ba Fel’ Ma Boch e Ba Kireb!
IMMOY E PETHETHAW KAKROM, FA?
Be weliy e Bible murung’agen e ‘naun ni ke yib e pethethaw’ nga langgin. (Levitikus 14:34-48, BT) Yima yog nre n’ey e ba mit e ban’en ni bod e l’aw, machane dabiyog ni ngarin micheg. Demtrug rogon, ma rogon ni bay ko Motochiyel rok Got e faanra ke yib e re miti n’ey nga lan e naun rok be’, ma aram e thingar ni chuweg e pi malang ni ke af ngay, ma ngan ker e thal ni langgin e rungrung ko fare naun ngan chuweg, ma pi n’ey e thingar ni fek ni gubin nga nin’ nga wuru’ e binaw nga “bang nib taay.” Faanra ki sul e re pethethaw ney ko fare naun, ma aram e thingari yan e prist i yaliy fare naun nge mudugil ndaki beech, ngemu’ min buthug nga but’ ni ga’ngin ngan yan nin’ nga bang nib taay u wuru’ fare binaw. Rogon feni tamilang e n’en ni yog Jehovah ni ngan rin’ e be dag rogon gelngin nri ma t’ufeg e girdi’ rok, ma baadag ni ngaur pared ni yad ba palog ko m’ar.
December 28–January 3
BOCH E THIN NIB GA’ FAN KO THIN ROK GOT | LEVITIKUS 16-17
“Fare Rran ko Biyul nge Rogon ni Gab L’ag Ngay”
Pi N’en Nrayog ni Ngad Filed ko Fare Babyor ni Levitikus
Mu beeg e Levitikus 16:12, 13. Am susunnag u lanin’um e n’en ma buch u nap’an fare Rran ko Biyul: Faen nib tolang ko prist e ra yan nga lan e tabernacle. Dalip yay nra yan nga lan e Gin Th’abi Thothup e rofen nem, ma ireray e yay nsom’on riy. Ere som’on nra yan e ngaram, ma aram e ke fek barba’ i ban’en nga barba’ i pa’ nib sug ko incense nib fel’ bon, ma barba’ i pa’ e bay riy barba’ i ban’en nib sug ko kol ni be yik’. Nap’an nra taw ko fagi kateng ni be upunguy e Gin Th’abi Thothup ma aram me tal buchuuw, ngemu’ mfini yan nga lan e Gin Th’abi Thothup nge yan i sak’iy nga mit fare kahol ko m’ag nre n’ey e ban’en nri be rin’ u fithik’ e tayfan. Re n’ey e gowa bod ni aram e ke yan i sak’iy nga p’eowchen Jehovah Got! Ma aram me tabab fare prist ni nge puog fapi incense nib thothup nga daken fapi kol ni be yik’ nri be kol ayuw ngay, ma aram me sug lan e gin’em nga bon fare incense nrib fel’ bon. Boch nga tomuren, ma aram e ku ra sul bayay nga lan e Gin Th’abi Thothup ni ke fek fapi rachaen e gamanman ni ngan ognag ni fan ko denen. Mu tay fanam i yan riy ni ke urfiy fapi incense u m’on ni nge ognag fapi rachaen e gamanman ni fan ko denen.
Pi N’en Nrayog ni Ngad Filed ko Fare Babyor ni Levitikus
Mang e rayog ni ngad filed ko fare incense ni yima fanay u nap’an fare Rran ko Biyul? Be yog e Bible ni meybil ni ma tay e pi tapigpig rok Jehovah nib fel’ u wan’ e kan taarebrogonnag ko incense. (Ps. 141:2; Rev. 5:8) Dab mu pagtalin ni ke fek faen nib tolang ko prist fapi incense i yan nga p’eowchen Jehovah u fithik’ e tayfan. Ere ku arrogon nnap’an ni gad ra meybil ngak Jehovah, ma gad ma rin’ u fithik’ e tayfan. Ri gad be pining e magar ni ke pagdad e En Ke Sunmiy urngin ban’en u palpalth’ib ni ngad nonad ngak u daken e meybil, ma gad chugur ngak ni bod rogon e n’en ni ma rin’ reb e bitir ngak e chitamangin. (Jas. 4:8) Ke m’agan’ ngay ni ngad manged fager rok! (Ps. 25:14) Bochan nrib ga’ fan e re tow’ath ney u wan’dad, ma aram fan ni dubdad ni ngad kirebnaged laniyan’.
Pi N’en Nrayog ni Ngad Filed ko Fare Babyor ni Levitikus
Dab mu pagtalin ni faen nib tolang ko prist e thingari urfiy fare incense u m’on ni nge ognag fapi maligach. Faanra rin’ ni aray rogon, ma aram e be guy rogon ni nge felfelan’ Got ngak u m’on ni nge ognag fapi maligach. Mang e rayog ni ngad filed ko re n’ey? Nap’an ni immoy Jesus u fayleng, ma bay ban’en nib ga’ fan nthingari rin’ u m’on ni nge ognag e yafos rok nib maligach. Re n’em e kab ga’ fan ko yafos ko girdi’ ni nge ayuweg. Mang e re n’em? Thingari fol rok Jehovah u fithik’ e yul’yul’ u n’umngin nap’an e yafos rok u fayleng, ya nge yag ni m’agan’ Jehovah ko maligach nra pi’. Faanra rin’ Jesus ni aram rogon, ma aram e be micheg ni birok Jehovah e kanawo’ u rogon ni ngan rin’ ban’en e aram e bin nib mat’aw e kanawo’. Ra micheg Jesus nib puluw mab mat’aw kanawoen e gagiyeg rok e Chitamangin.
Ngan Fal’eg i Gay Boch Ban’en nib Ga’ Fan ko Thin rok Got
it-1-E 226 ¶3
Azazel
I tamilangnag apostal Paul ni downgin Jesus nib flont ni ognag nib maligach ni fan ko denen ko girdi’ e kab ga’ angin nra yib nga “rachaen e garbaw ni pumoon nge kaming” ni yima fanay. (Heb 10:4, 11, 12) Ere, rayog ni nga nog ni ke mang Jesus fare kaming ni yima “pag nge yan nga daken e ted,” ni ke fek e ‘liliy rodad ke chuweg,’ ma kan “maad’ad ngak ni bochan e denen rodad.” (Isa 53:4, 5; Mt 8:17; 1Pe 2:24) Ke “chuweg” e denen rok urngin e piin yad be maruweliy e michan’ rorad nga fel’ngin fare maligach ni pi’. I dag ni bin baaram e maligach ni pi’ Got e ir e ke yag ni ngari chuweg e denen. Aram fan nrayog ni nga nog ni fare kaming ni “fan ngak Azazel” e be dag yaan e maligach nra pi’ Jesus Kristus.
Fan ni Thingar Da Thothupgad
Mu beeg e Levitikus 17:10, BT. I tay Jehovah chilen ngak piyu Israel ndab ra ked e “ufin ni ka bay e racha’ u fithik’.” Ku arrogon e piin Kristiano ni kan tay chilen ngorad ndab ra ked ara ra fanayed e racha’. (Acts 15:28, 29) Dubdad ni ngad rin’ed ban’en nra k’aring Got ni nge ‘togopluw ngodad’ me chuwegdad ko ulung rok. Ba t’uf Got rodad ma gad baadag ni ngad folgad rok. Mus ni faanra ke par e yafas rodad nga thatharen e riya’, ma dab da folgad ko piin ndar nanged Jehovah ma darur folgad rok u nap’an ni yad ra yog ngodad ni ngad rin’ed ban’en nib togopuluw ngak. Arrogon, gad manang nra i moningnagdad e girdi’ ni bochan e darud fanayed e racha’. Machane, kad dugliyed ni ngad folgad rok Got. (Jude 17, 18) Ere, mang e ra ayuwegdad ni ngad dugliyed u wan’dad ‘ndab da ked’ ara da fanayed e racha’?—Deut. 12:23.