Nge Pagan’um ko T’ufeg ni Ma Dag Jehovah u Fithik’ e Yul’yul’

Rib ga’ fam u wan’ Jehovah. (Isa 43:4) Ke pow’iyem ngak nge ulung rok. Ba milfam ngak ni bochan e kam ognagem ngak kam un ko taufe. Ra ayuwegem ni bochan e gab t’uf rok ngki mada’ ko ngiyal’ ni keb e magawon ngom. Ra dag e t’ufeg u fithik’ e yul’yul’ ngom u daken e ulung rok.​—Ps 25:10.

Faan gad ra yaliy rogon ni ma ayuweg e ulung rok Jehovah e pi walag u nap’an ni keb e yoko’, ara durru’, ara boch ban’en ni yima gafgow riy e ngiyal’ ney, ma aram e rayog ni ngari ga’ fan u wan’dad rogon ni ma dag Jehovah e t’ufeg u fithik’ e yul’yul’.

NGAN YALIY FARE VIDEO NI 2019 COORDINATORS’ COMMITTEE REPORT, NGEMU’ MIN PI’ E FULWEG KO PI DEER NEY:

• 

  Uw rogon ni ke ayuweg fare Coordinators’ Committee e pi branch ofis u ga’ngin yang e fayleng u rogon ni ngar ayuweged e pi walag u nap’an ni ke yib e yoko’, ara durru’, ara boch ban’en ni yima gafgow riy?

• 

  Uw rogon ni pi’ e ulung rok Jehovah e ayuw ngak e pi walag u Indonesia u nap’an reb e durru’ ni aw ngaram, mu kur pied e ayuw ko pi walag u Nigeria u nap’an ni yib ba mit e m’ar ngaram?

• 

  Mang e kam ngat ngay u rogon e n’en ke rin’ e ulung rok Jehovah u nap’an fare m’ar ni COVID-19?