Ngam Pioneer

Nap’an ni gad ra nameg boch ban’en ni fan ko tirok Got ban’en, ma aram e gad be maruwel nga gelngidad nib fel’ rogon. (1Ko 9:26) Gad ra nameg boch ban’en, ma aram e n’en nra ayuwegdad ni ngad maruwelgad ko tayim rodad nib fel’ rogon u m’on ni nge yib e tomur ko re m’ag ney. (Efe 5:15, 16) Ere rayog ni ngam weliyed chon e tabinaw rom boch ban’en nrayog ni ngam nameged ko bin migid e service year u nap’an e fol Bible ni tabinaw. Re ke babyor ney ni fan ko muulung e rayog ni nge ayuwegem ya bay boch e article riy ni be weliy murung’agen boch ban’en nrayog ni ngan nameg nrayog ni ngam lemnag mag yibilay murung’agen.​—Jas 1:5.

Bod nrayog ni nge ayuweg reb e tabinaw yad ya nge yag ni un bagayad ko regular pioneer. Faanra be maruwar u wan’um ko rayog ni ngam thognag e awa nsusun e nge thognag e piin pioneer, ma rayog ni ngam non ngak boch e pioneer ni taareb rogorad ngom. (Pr 15:22) Sana ku rayog ni ngam pininged reb e pioneer ko fol Bible ni tabinaw romed mi gimed fith boch e deer ngak. Ngemu’ mag yoloy nga but’ boch e schedule nrayog ni ngam fol riy. Faanra um pioneer kafram, mag lemnag ko rayog ni ngam pioneer e chiney fa dabiyog.

Gur, rayog ni nge un boch i girdien e tabinaw rom ko pioneer ni ayuw u lan reb e pul ara u lan in e pul, fa? Faanra ke meewar fithik’ i dowam, ma rayog ni ngam un ko pioneer ni ayuw ni aram e ngam un ko machib nib ngoch nap’an ni gubin e rran. Faanra ba lich e tayim nrayog ni ngam un ko machib riy u lan e wik ni bochan e ga be maruwel u polo’ e tayim rom ara ga ma un nga skul, ma rayog ni ngam mel’eg reb e pul ni bay e holiday riy ara lal e Sabado nge Madnom riy. Mu yoloy nga lan e calendar e rofen ni kam nameg ni ngam un ko pioneer ni ayuw, mag ngongliy reb e schedule ni ngam fol riy.​—Pr 21:5.

NGAN YALIY FARE VIDEO NI BE A COURAGEOUS . . . PIONEER, NGEMU’ MIN PI’ E FULWEG KO RE DEER NEY:

• Mang e be fil e n’en ni buch rok Sister Aamand ngodad u murung’agen rogon ni ma ayuweg Jehovah e piin yad ma pag fan boch ban’en ya nge yag nra uned ko pioneer?