LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • wp21 no. 1 pp. 14-15
  • Rogon Angin e Meybil Ngom

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • Rogon Angin e Meybil Ngom
  • Fare Wulyang ko Damit Ni Be Weliy Morngaagen Gil’ilungun Jehovah (Fan ko Girdi’ ni Yoor)—2021
  • Boch Ban'en ni Ku Taareb Rogon Ngay
  • N’en Nrayog ni Nge Rin’ e Meybil ni Fan Ngom
    Fare Wulyang ko Damit Ni Be Weliy Morngaagen Gil’ilungun Jehovah—2015
  • Mu Chugur ngak Got u Daken e Meybil
    Mang e Ri Be Fil e Bible?
  • Mu Chugur Ngak Got u Daken e Meybil
    Mu Par Ndariy N’umngin Nap’an ni Gab Felfelan’!—Ngan Fol Bible u Taabang
  • “Ngam Meybilgad Ngak Got Mi Gimed Ning Ngak E Tin Ni Nge Yog Ngomed”
    Fare Wulyang Ntagil’ E Damit Ni Be Weliy Morngaagen Gil’ilungun Jehovah—2006
Kum Guy Boch Ban'en
Fare Wulyang ko Damit Ni Be Weliy Morngaagen Gil’ilungun Jehovah (Fan ko Girdi’ ni Yoor)—2021
wp21 no. 1 pp. 14-15

Rogon Angin e Meybil Ngom

Nap’an ni yib e cancer ngak Pamela, ma aram me yan i un ko tafalay. Machane ki meybil ni nge pi’ Got gelngin ni nge athamgil u fithik’ e magawon ni be mada’nag. Ere gur, i yib angin e meybil ngak?

I weliy Pamela ni gaar: “Nap’an ni yibe tafalaynag e cancer rog, mab ga’ nug ma rus. Machane nap’an nug ra meybil ngak Jehovah Got, ma aram me gapas lanin’ug me yag ni nggu lem nib fel’ rogon. Kug ma gafgow ko amith, machane meybil e ma ayuwegeg ni nggu sap nga fel’ngin e n’en ke buch rog. Nap’an nra fith e girdi’ ko ke uw rogon salpeg, ma gu ma gaar, ‘Dawori fel’ rogog, machane gub felfelan’!’”

Riyul’ ni gathi ngad songad nge mada’ ko ngiyal’ ni ke yib ba mit e m’ar ngodad nib ubchiya’, ara ngad mada’naged reb e magawon nib ga’ mfin da meybilgad. Gad gubin ni gad ma mada’nag e magawon ni boch e ba ga’ ma boch e ba achig, mab ga’ nib t’uf ni ngan ayuwegdad ni ngad athamgilgad u fithik’. Ere gur, rayog ni nge ayuwegdad e meybil?

Be gaar e Bible: “Mu pi’ e gilab rom ngak Somol, ma bayi n’ufegem; dariy e ngiyal’ nra pag e piin yul’yul’ ngar meewargad.” (Psalm 55:22, BT) Re thin ney e rayog ni ngari fal’eg lanin’dad! Ere uw rogon nrayog ni nge ayuwegem e meybil? Faan ga ra meybil ngak Got ko bin nib puluw e kanawo’, ma ra pi’ e tin nib t’uf rom ya nge yag nim athamgil u fithik’ e pi magawon rom.​—Mu guy fare kahol ni kenggin e, “Rogon Nrayog ni Nge Ayuwegem e Meybil.”

Rogon Nrayog ni Nge Ayuwegem e Meybil

Ra gapas lanin’um

Fare pumoon ni ke m’ug yaan boch kafram ni faan kan n’ag ko maruwel rok e be yan nib siminmin mab pagan’.

“Faan gimed ra meybil ngak Got . . . ma gapas rok Got ndabi chuchugur ni nge nang e girdi’ fan e ra yororiy gum’ircha’med nge tafinay romed ngi i par rok Kristus Jesus.” (Filippi 4:6, 7) Faan ga ra weliy ngak Got urngin e magafan’ rom, ma ra ayuwegem ni ngam par nib gapas lanin’um, mag ngongol u fithik’ e gonop u nap’an ni ga be mochuch.

Ra yag e gonop ngom ni ma yib rok Got

Fare pin ni ka i beeg e meybil ni kan yoloy nga lan ba ken e babyor e be beeg e Bible rok u tabinaw.

“Faanra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.” (James 1:5) Faanra gad be mochuch ma bay yu ngiyal’ nrayog ni ngad dugliyed boch ban’en nde puluw. Ere faan ga ra meybil ngak Got ngam ning e gonop ngak, ma rayog ni nge ayuwegem nge yib ngan’um boor e kenggin e motochiyel ko Thin rok u lan e Bible.

Ra yib gelngim me fel’ lanin’um

Fare wu’ i mabgol ni ka ur moyew u aspital e yow be yan u taabang u lan reb e park. Be ayuweg fare pumoon leengin ni be sog.

“I Got e ir e manaf rodad me ir gelngidad, gubin ngiyal’ ni ke fal’eg rogon ke par ni ra yib e gafgow ngodad me ayuwegdad.” (Psalm 46:1) Jehovah Got ni gubin ma rayog rok e rayog ni nge pi’ gelngim ni ngam athamgil u fithik’ e pi magawon ni ga be mada’nag, fa reb e ayuwegem ko pi skeng ni ga be mada’nag. (Isaiah 40:29) Ku be yog e Bible ni Jehovah e ir fare “Got ni urngin mit e ayuw me ir e be yib rok,” ara fare Got ni ma fal’eg lanin’uy. Rayog ni nge fal’eg lanin’dad u fithik’ “urngin e gafgow nge kireban’” ni ma yib ngodad.​—2 Korinth 1:3, 4.

RA YIB ANGIN E MEYBIL NGOM, FA?

Riyul’ nder towasariyem Jehovah ni ngam meybil ngak, ya n’en be rin’ e be yog ngom u fithik’ e t’ufeg ni ngam rin’ e re n’ey. (Jeremiah 29:11, 12) Machane, uw rogon ni faanra kafram e um lemnag ndanir fulweg taban e meybil rom? Dabi mulan’um. Piin gallabthir nib t’uf pi fakrad rorad e rayog ndab ra ayuweged pi fakrad u rogon kanawoen ni be lemnag fapi bitir ni ngan ayuwegrad riy, ara ngiyal’ ni yad be lemnag ni ngan rin’ e re n’ey. Ya rayog ni ka bay reb e kanawo’ nga bang ni kab fel’ boch ni yad be lemnag ni ngar ayuweged pi fakrad riy. Machane taab n’en e bay ndabi thil: Piin gallabthir nib t’uf pi fakrad rorad e yad ma ayuweg pi fakrad.

Jehovah Got ni chitamangidad e aram e re matam ni bay nth’abi t’uf pi fak rok ma baadag ni nge ayuwegem. Faan ga ra fal’eg i lemnag fapi thin ni kad weliyed ni kan fek u Bible mag athamgil ni ngam fol riy, ma aram e ra fulweg Got taban e meybil rom ko bin th’abi fel’ e kanawo’!​—Psalm 34:15; Matthew 7:7-11.

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag