Ba T’uf Reb e Fayleng nib Fel’ e Par Riy!
I yog António Guterres ni ir e secretary-general ko United Nations ni gaar, “Gad be par u ba fayleng ni kari gel e wagey riy.” Dabisiy ni ku aray rogon e lem rom.
Boor ban’en ni yima weliy ko news nra k’aring e magafan’ ko girdi’:
M’ar
Yoko’ nge durru’
Gafgow ko par nge girdi’ ni be yim’ ko bilig
Yibe alitnag e fayleng ma be gel e gowel i yan
Kireb ni yibe rin’ nib togopuluw ko motochiyel ko am, nge cham, nge sasalap
Mahl
Ere ba tamilang nib t’uf reb e fayleng nib fel’ e par riy ma
Ba fel’ fithik’ i dow e girdi’ riy
Ba pagan’uy riy
Boor e ggan riy
Bbeech toobey
Ba mat’aw gubin ban’en riy
Ba gapas
Ere nap’an ni gad ra weliy murung’agen reb e fayleng nib fel’ e par riy, ma mang e gad be yip’ fan?
Mang e ra buch ko biney e fayleng ni gad be par riy e chiney?
Mang e ba t’uf ni ngad rin’ed ya nge yag nda uned ko par u lan e binem e fayleng?
Re ke Wulyang ko Damit ney e be pi’ e fulweg ko pi deer ney nge ku boch e deer nrogon nib puluw ko Bible.