Tang 40 (87)

Abich ni Balayal’ Rok Somol

(1 Korinth 11:​23-26)

1. Jehovah, Chitamangimad nu tharmiy

Ereray e nep’ nib thothup!

Ma Nisan fourteen e kan guy pi felngim,

Mat’aw, t’ufeg, gonop, gelngim.

Kan kay fare saf ko fare Palukaf,

Min pithig yu Israel ko sib.

Ma ke map rachaen Somol rodad nga but’

Ni nge lebug e thin ko profet.

2. Kug muulunggad u p’eowchem,

Ni gamad e ran’ i saf rom

Nfan ni gamad ra pining e magar ngom

Ma gamad ra n’uf fithingam.

Bay e tebel u p’eowchemad

Nge wain nge flowa u daken.

Be yip’ fan ban’en ni nge puguran ngomad

Ni ba t’uf ni ngam duruw’iymad.

3. Flowa be yip’ fan downgin Jesus

Ni ke pi’ ni fan ko girdi’.

Fare wain nib rowrow be yip’ fan rachaen,

Ke biyuliy e girdi’ ngay.

Gamad ra tay fan fare Puguran

Nge dugil gum’erchamad ngay.

Ngada leked Kristus u gubin e ngiyal’,

Ma aram e gad ra par nib fos.