Tang 42 (92)

Dabmu Rus ni Nga Mu Machib

(Acts 4:⁠13)

1. Ra par e girdi’ rok Got nib gel,

Yab gel e skeng ni be tay Satan.

Ke gel gelngidad ko Thin Rok Got,

Nge thin ni gad be wereg ko girdi’.

Thin rok Got e be pi’ gelngidad,

Ngad yul’yul’gad u gubin ngiyal’.

Ni bod e pi apostal kakrom,

Nguuda pired ni dabda rusgad.

2. Mmich u polo’ i gum’erchadad

Nib riyul’ gubin e Thin Rok Got,

Dabda pired nib rus ko girdi’

Yugu demtrug ni gathi gad boor.

Ngada tedan’dad ko maruwel

Ma da wereged e thin rok Got.

Ngada machibnaged e girdi’,

Me mang Jehovah e fager rodad.

3. Ngan ayuweg e piin meewar

Dabni rus ni ngan un ko machib.

Dabda paged e piin bitir;

Ngad ayuweged yad ngar pired nib gel.

Da fl’eged laniyan’ e girdi’;

Ni Got e ngar pagedan’rad ngak.

Ya ra Pilung u fayleng iyan

Ma ra nin’ e tang min n’uf Jehovah.