Tang 93 (211)

Ngada Uned ko Mokun Woldug

(Matthew 9:​37, 38)

1. Gad bay ko ngiyal’ nmokun woldug,

Aram e tow’ath ni rib fel’.

Pi engel e be t’ar e woldug,

Maku gadad be un ngorad.

Ke tababnag Jesus e maruwel

Ke yung e awoch u milay’.

Ke taw ko ngiyal’ ko mokun woldug;

Ngad uned ngay ni gad bfelan’.

2. Kan tay e woldug nga lan tafen.

Ba lingagil e tin ni pan.

Yad be pi’ e magawon ngodad,

Yad be yor, ke kankanan’rad.

Be maruwel e girdi’ rok Got.

Yad ma pigpig gubin e rran,

Ya boor e girdi’ ni ngan kunuy;

Dabda talgad ko maruwel.

3. Ri ba t’uf Got nge girdi’ rodad

Aram fan ni gad be gurgur.

Mokun woldug e ri baga’ fan,

Ya ke chugur ko tomuren.

Re ngiyal’ ney e ngan rin’ ban’en,

Ngan fil e machib ko girdi’.

Rib ga’ e felan’ ni ra yog ngodad

Ra yoor e girdi’ rodad.

4. Be yaliy Kristus Jesus rogon

Ke lol wom’engin ni kan fek.

Bwechwech e milay’ ni gad bay riy!

Boor e piin ngan ayuwegrad!

Ba gel e felan’ ni bay rodad.

Gad be un ku Got ko maruwel.

Ngad maruwelgad ni gad bfalfalan’

Ni fan ku Got nge yug girdi’.