Ke Chugur E Paradis!

Pi n’en nib kireb ni be buch e chiney u roy u fyaleng e be dag ni ke chugur ni nge paradis. Be yog e Bible nra bangiyal ma ra ud guyed boor mit e kireb u m’on nra yib e paradis. Gadad be par ko re ngiyal’ nem e chiney! Baaray boch fapi n’en ni ke yog e Bible nra i buch:

Pi mahl nib ga’. “Ra cham reb e nam nga reb e nam ma gin suwon reb e pilung e ra cham ko gin suwon reb e pilung.” (Matthew 24:7) Re yiiy ney e ke riyul’. Ka nap’an fare duw ni 1914 ma immoy l’agruw e Mahl ko fayleng nge ku nochi mahl. Bokum million e girdi’ ni yim’ riy!

M’ar ni ke garer iyan. Dariy falayen nra chuw mmit me yib mmit.” (Luke 21:11) Ke riyul’ e re n’ey fa? Arrogon. Cancer, m’ar ko gum’ercha’, safrit, malaria, AIDS, nge ku yugu boch ni be yim’ bokum million e girdi’ riy.

Ggan ni be lich. U ga’ngin yang u fayleng ma bay e girdi’ nder gaman e ggan ni ngar ked. Ma bokum i million e girdi’ ni be yim’ ko bilig ni gubin e duw. Ireray reb e pow ni dabki n’uw nap’an me taw e paradis ngaray. Ke gaar e Bible: “Bayi dabki gaman e ggan.”​—Mark 13:8.

Durru’. Bayi yib e durru’ u gubin yang.” (Matthew 24:7) Maku ke riyul’ e re n’ey u napdad. Ke pag reb million e girdi’ ni kar m’ad ko durru’ ni ka nap’an e 1914.

Girdi’ ni kireb. “Girdi’ e ri bayi t’uf e salpiy rorad” me “par ni go’ yad e yad be lemnagrad.” “Ma bayi t’uf e fafel rorad me tomur Got u wan’rad.” Ma bitir e “bayi dabkur folgad ko pi gallabthir.” (2 Timothy 3:1-5) Gathi bpuluw u wan’um ni boor e girdi’ ni aram rogorad e chiney? Dakuriy e ta’fan rorad ku Got, ma ku yad be magawonnag e piin ni yad be guy rogon ni ngar filed murung’agen Got.

Buggel. Maku be yoor iyan e “togopuluw ko motochiyel.” (Matthew 24:12) Ra bod ni ke puluw u wan’um ni be ubchiya’ iyan e kireb ni ke gel boch ko fa tinef e duw ni ke yan. Ke magar e girdi’ u gubin yang nrin’ iring e tirorad, fa rin saliyebnagrad, fa ni maad’adnagrad.

Urngin pi n’ey e be dag ni kari chuchugur Gil’ilungun Got. Be gaar e Bible: “Nap’an ni ga ra guy ni ke m’ug e pi n’ey, ma kam nang ni ke chugur Gil’ilunungun Got.” (Luke 21:31) Be mang fare Gil’ilungun Got? Ir ba am rok Got u tharmiy nra fek i yib e paradis ko re fayelng ney. Gil’ilungun Got e ra yib nga luwan e pi am ko girdi’.​—Daniel 2:44.