Uw Rogon Me Yog e Felfelan’ nga Lan e Tabinaw Rom?

T’ufeg e aram e n’en nra yibnag e felfelan’ nga lan e tabinaw. Efesus 5:33

Rogon e motochiyel rok Got e mabgol e fan ngak taareb e pumoon nge taareb e ppin.

Be’ ni figirngiy ni ma t’ufeg leengin e ma ngongol u fithik’ e sumunguy ma manang fan laniyan’.

En leengiy e susun ndab i togopuluw ngak figirngin.

Piin bitir e ngaur folgad ko gallabthir rorad.

Ngaum gol, mu um par ni gab yul’yul’, ma dab um gelnag e thin rom. Kolose 3:5, 8-10

Be yog e Bible ni nge t’ufeg e en figirngiy leengin ni bod downgin, ma en leengiy e nga i tayfan figirngin.

Ba kireb ni ngan chag ngak be’ nga wuru’ e mabgol. Kub kireb ni nge yoor e ppin ara pumoon rok be’.

Be fil e Thin rok Jehovah rogon ni nge par e tabinaw nib felfelan’.