Uw Rogon e Bible u Wan’um?

N’EN BE YOG E BIBLE

“Urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor.”​—2 Timothy 3:16.

PI N’EN NRAYOG NGOM NFAANRA MICH U WAN’UM E RE N’EY

Ga ra pirieg e fulweg ko pi deer rom u boch ban’en ni bay rogon ko yafas rom.​—Proverbs 2:1-5.

Ra pow’iyem u reb e rran nge reb.​—Psalm 119:105.

Ra pi’ e athap ngom ni fan ko gabul nge langlath.​—Roma 15:4.

RAYOG NI NGE MICH U WAN’DAD E N’EN NI BE YOG E BIBLE?

Arrogon, ya bay dalip i fan:

• Ba taareb e thin riy. Kan yoloy e Bible u lan 1,600 e duw, ma 40 e girdi’ nra yoloyed. Yooren i yad e dawor ra mada’gad. Yugu aram rogon, mab taareb e thin ko re ke babyor ney u tabolngin nge yan i mada’ nga tungun, ma taab n’en e be weliy murung’agen!

• Ba puluw e thin riy nga chepin e girdi’. Piin ni yad ma yoloy chepin e girdi’ e darur weliyed e kireb ko nam rorad. Machane, piin nra yoloyed e Bible e yad ba thil ni bochan e ur yoloyed e kireb rorad nge kireb ko nam rorad nga lan e Bible.​—2 Kronicles 36:15, 16; Psalm 51:1-4.

• Bay e thin riy ni kan yiiynag nrayog ni nge pagan’uy ngay. Sogonap’an 200 e duw u m’on riy me yiiynag e Bible ni yira gothey fare mach nu Babylon kakrom. (Isaiah 13:17-22) Gathi kemus ni ke yiiynag rogon ni yira gothey, ya ki yog fithingan e en nra cham nge gel ko re mach nem!​—Isaiah 45:1-3.

Ku boor e yiiy u Bible ni ke lebug ni bod rogon ni kan yiiynag nra buch. Machane, gathi arrogon e n’en ni ngad lemnaged nga ba ke babyor ni yib rok Got?​—2 Peter 1:21.