Ma Gagiyegnag e Superstition e Yafas Rom?

SUPERSTITION e ba mich u wan’uy u ga’ngin yang e fayleng. Yu ngiyal’ ma yima ta’fan ni rib gel ni bod bang ko yalen. Fa bogi n’en ni yug dariy fan​—kemus ni ku be fal’eg boch fan e yafas. U Western world, e superstition e gathi ri yima lemnag nib ga’ fan ara ri be mich u wan’uy. Ma yuyang​—ni bod yu Africa, e—​superstition e rayog ni ngeb angin nib gel ko yafas ko girdi’ riy.

Boor e yalen rok yu Africa e sum nga daken e superstition. Pi kachido, nge program ko radio, yochi ke babyor ni yima fal’eg u Africa e baga’ ni ma ga’nag fan e superstition nge pi n’en ni danir nang fan, ni bod e pig, nge tayfan ko girdi’ ni kar m’ad kakrom, nge pi n’en ni yima lemnag ni ba’ gelngin. Mang fan ni ke gel angin e superstition ngak e girdi’, ma uw e yib e superstition riy?

Uw e Yib e Superstition Riy?

Boor e superstition e baga’ ni sum ko tatamdag nga yaan e girdi’ ni kem’ ara yugu boch e kan ni demtrug. Pi n’en ni ma buch e yima yog ni aram e be guy rogon e pi kan ney ni ngar nonad ko piin ni ka yad ba fas ni reb e yibe k’aring e marus, fa yibe ginangrad, ara reb e towath.

Superstition e ri kub l’eg rogon ko ngan golnag e liliy nge tafalay. Boor e girdi’ ko yungin baaray ni fin be mon’og rogon e par rorad i yan, e falay ni chiney e rib tolang puluwon u puluwrad ma baga’ ni bayi n’en ma dabiyog ni ngan chuw’iy. Arfan, ni boor e girdi’ e ma gaweg e n’en ni ngan gol riy ara be guy rogon ni nge ayuweg ir ni nge dabi m’ar ni ma chel ko yalen rok pi kakrom, thagith, nge superstition. Maku arrogon ni baga’ e pagan’ rorad ni yad ma yan ko pi sothuw ni manang yalrad ma yad ma non ni thin rorad ko bin nga ranod ko togta ni chiney. Arfan ni michan’ ko superstition e ka be par nib fas.

Superstition e rib gel feni thilthil u ga’ngin yang e fayleng, ma rogon ni ma wer e be yan u rogon chepin fagi nam, pi yat, nge pi n’en ni be buch ko fa ngiyal’ nem. Machane n’en nib ga’ ni bay u tan e aram e fare michan’ ni bay be’, ara ban’en ko giyow ko kan ni danir guy nib t’uf rok e fal’eg laniyan’.

Got e ri pufthinnag e en ni be gay e ayuw ko pi kan u daken ngongolen e pig. (Deuteronomy 18:10-12; 2 Kings 21:6) Re n’eney e aram e yibe fal’eg e thin ngak e eni toogor rok, ma yibe fal’eg e tha’ ni ngan mang ko en ni de yul’yul’ ngak Got! Yira lek e horoscope, nge ngaun lek e tamilangan’ i yan ngak reb e tribal medicine man, ara ni un buchuw nga ngongolen e superstition ma aram e be m’ug ni kam pag e pi kan nib kireb ni ngar suweyed e pi n’en ni ga ma turguy u nap’an e yafas rom. Ni aram e ku taareb rogon ko kan un ko togopuluw ngak Got.

Tin riyul’ e Kristiano e thingara tayed u orel ko yafas rorad e ngongol nib kireb ni superstition ma ngar folgad ko tirok Got e tamilang ni ke ognag e ani Tasunmiy, ni Jehovah, nge Fak, ni Jesus Kristus. Ma aram e rayog ni ngar falfalan’gad ko gapas laniyan’ ni yib ko tamilangan’ ni yad be rin’ e tin nib mat’aw u owchen Got.​—John 8:32.