Ma Lemnageg Got?

Ba ga’ ni ma yog e girdi’ ni:

▪ “I Got e kaygi ga’ fan ni nga i lemnag e magawon rog.”

▪ “Dagur lemnag ni be lemnag rarogog.”

Mang e ke yog Jesus?

▪ “Gathi yira pi’ nchuway’ lal fa nochi arche’ ni sparrow fithingan ma ke mus ni l’agruw e salpiy nrow puluwon? Machane dariy taa bagayad ni ke pag Got talin. Mus nga piyan lolugmed ni ke m’ay i theeg. Ere dab mu rusgad, ya ka ba ga’ famed ngak boor fa nochi arche’ ni sparrow fithingan!” (Luke 12:6, 7) Dariy e maruwar riy ni ke yog Jesus ni ma lemnagdad Got.

▪ “Ere dabi magafan’ be’ nge gaar: U uw e bay yib e ggan rog riy? ara n’en ni nggu garbod ngay? ara mad ni nggon’? (Ereray e pi n’en ni gubin ngiyal’ ma be nameg e piin ni yugu boch e kan e yad be meybil ngorad.) Chitamangimed ni bay u tharmiy e manang ni pi n’ey ni urngin e dabi siy ni nge yog ngomed.” (Matthew 6:31, 32) Ke mudugilan’ Jesus ni manang Got e n’en ni ba t’uf rodad.

RIB tamilang ni be yog e Bible ni ma lemnagdad Got. (Psalm 55:22; 1 Peter 5:7) Faanra riyul’ ni aram rogon, ere mang fan ni ke pag Got be yib e gafgow nib gel ngodad? Faanra ir Got ni ma t’ufegey ma ba gel gelngin, mang fan ni dabi chuweg e gafgow rodad?

Fulweg riy e bay rogon ko fare n’en ni de nang e Nap’an ni skengnag Satan Jesus me yog ni nge pi’ ngak urngin e pi am nu fayleng me gaar: “Gu ra pi’ mat’awun ni nguum gagiyegnag e pi nam ney nge urngin e pi flaab ney. Ya ni pi’ ngog ni gubin nrayog ni gu pi’ ngak e en ni gub adag ni nggu pi’ ngak.”​—Luke 4:5-7.

Mini’ e ke tay Satan ni nge gagiyegnag e re fayleng ney? Nap’an ni ke fol Adam nge Efa rok Satan me m’ug riy ni kar mel’egew Satan ni nge mang pilung rorow. Ere ke pag Jehovah ni nge yan ba ngiyal’ ni nge m’ug ni dabiyog ni nge Gagiyeg Satan nib fel’ rogon. Der ma tawasariy Jehovah e girdi’ ni ngar pigpiggad ngak, machane ke dag e kanawo’ ngorad ni ngar sulod ngak.​—Roma 5:10.

Bochan ni gadad ba t’uf rok Got ma ke l’og Jesus ni nge chuwegdad u tan pa’ Satan. Dab ki n’uw nap’an me “kirebnag [Jesus] gelngin e moonyan’; yi moonyan’ e bay e yam’ u pa’.” (Hebrews 2:14) Ma aram e ra “kirebnag e maruwel rok e re moonyan’ nem.”​—1 John 3:8.

Ma re fayleng ney e ra mang paradis. Ma ngiyal’ nem e “bayi n’ag urngin e lu’ u [owchen e girdi’]. Ma aram e dab ku unim’, ma dab ki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”​—Revelation 21:4, 5.

[Blurb on page 8]

Yira sulweg e paradis ko re fayleng ney bayay