Machib Nde Riyul’​—1: Ra Yim’ Be’ Ma Bay e Yaal Rok Ndabi Yim’

Uw e sum e re machib ney riy? Ke yog reb e babyor ni tin som’on e Kristiano ni yad ba llowan’ ma yad ba gonop e ra feked e machib ni Greek, ni gubin e girdi’ ma bay e yaal rok nra ka bay u mayel me yib i chuw nga fithik’ i dow, ngar athkuyed nga fithik’ e machib rorad.​—The New Encyclopædia Britannica (1988), Volume 11, page 25.

Mang e be yog e Bible? “Nap’an ni yad ra yim’, mi yad ra sul ko ab; rofen nem e gubin e tin ur tanomniged e ra mus.”​—Psalm 146:4, BT.

Bay e “yaal” ko girdi’ ni ma par nib fas u tomuren ni ke yim’ be’, fa? Be yog e Bible nnap’an ni sunmiy Got e girdi’ nge gamanman me pi’ e pogofan ngorad ni bay gelngin e yafas riy ni ir e ma tay e girdi’ nib fas. Machane, nap’an nra tal e pogofan ko girdi’ nge gamanman ma aram e dakuriy gelngin e re yafas nem, ma aram e yad ra yim’. Ma nap’an ni yad ra yim’ ma dakuriy ban’en ni yad manang.​—Genesis 3:19; Eklesiastes 3:19-21; 9:5.

Ere fare machib nra yim’ e girdi’ ma bay e yaal rok ara ban’en u fithik’ i dow nra par ndabi yim’ e ir e ke sum e pi deer ni baaray riy ni gaar: Nap’an nra yim’ be’, ma uw e ma yan e yaal rok ngay? Mang e ma buch ko piin nib kireb u nap’an ni kar m’ad? Bochan ni ke athukuy e piin ni yad ma yog ni yad e Kristiano e binem e machib nga fithik’ e machib rorad, ma aram fan ni ke sum fare machib ni murung’agen e nifiy ndabi math biid.

Kum guy e pi thin nu Bible ni baaray: Eklesiastes 3:19; Acts 3:23

BIN RIYUL’ E:

Ra yim’ be’ ma aram e ke mus e yafas rok u rom