Machib Nde Riyul’—6: Ba M’agan’ Got Ngay ni Ngaun Meybil ko Liyos nge Yaan Ban’en
Uw e sum e re machib ney riy? “Tin som’on e Kristiano e da ur fanayed e liyos ko liyor ni ur ted . . . Nap’an e bin aningeg nge bin lal e chibog, me m’agan’uy ngay ni ngan fek e liyos nga lan e galesiya ni bochan e kan lemnag ni ka boor ban’en nra fil boch e girdi’ riy ko pi welthin ni yima pi’ nge boch e babyor.”—Cyclopedia of Biblical, Theological, and Ecclesiastical Literature, by McClintock and Strong, Volume 4, pages 503 and 504.
Mang e be yog e Bible? “Dab mu ngongliy ba liyos ara yaan ban’en ni bay u tharmiy, ara bay u fayleng, ara bay u fithik’ e ran u tan e but’ ngam ta’ fan ara mmeybil ngay.” (Exodus 20:4, 5) I yol apostal Paul ngak e piin Kristiano ko bin som’on e chibog ni gaar: “Pi tafager rog ni gimed ba t’uf rog, mpired u urel ko ta’fan nge meybil ni yibe tay ngak e liyos!”—1 Kor. 10:14.
Ere, gur, fapi liyos e rriyul’ ni bogi ban’en ni kan tay ni ngaun tayfan? Be yog reb e babyor ni gaar: “Ka rogned ni som’on e un tay e pi liyos nem u lan e galesiya ni bochan e ngan fil ban’en riy miki mang nunuw ko galesiya. Machane faani munmun ma un meybil ngay. Aray e n’en ni yima rin’ ko pi liyos ni bay u reb e galesiya ni ka nog e Eastern Orthodoxy ngay.” (The Encyclopedia of Religion) Machane, i fith Isaiah ni profet ni gaar: “I mini’ e rayog ni ngan susunnag Got ngak? Ra nga ni weliy rogon yaan ma uw rogon?”—Isaiah 40:18.
Kum guy e pi thin nu Bible ni baaray: Isaiah 44:13-19; Acts 10:25, 26; 17:29; 2 Korinth 5:7
BIN RIYUL’ E:
Dabun Got ni ngaun meybil ko liyos nge yaan ban’en
MU PALOG KO MACHIB NDE RIYUL’, MAG CHICHIIY PAAM KO TIN RIYUL’
Mang e rayog ni nga dogned ko n’en ni kan weliy ko fapi machib nde riyul’ ni ma fil e yurba’ i teliw e ngiyal’ ney? Pi “machib ney [Greek, myʹthos] ni boor rogon ni kan weliy” e de taareb rogon ko thin riyul’ nu Bible.—2 Peter 1:16.
Ere, mu taarebrogonnag e machib ni kan fil ngom ko n’en ni be yog e Bible. (John 17:17) Ya faan ga ra rin’, ma rayog ni ngam: ‘Nang e tin riyul’, ma tin riyul’ e ir e bayi ayuwegem nge dab kum par ni gur e sib.’—John 8:32.
[Picture on page 9]
[Picture Credit Line on page 9]
Pictorial Archive (Near Eastern History) Est.