Mang E N’en Ni Be Yog E Bible?

Mang e Gil’ilungun Got?

BOCH E GIRDI’ E BA MICH U WAN’RAD ni Gil’ilungun Got e aram e gagiyeg rok Got ni bay u fithik’ i laniyan’ be’; ma boch e girdi’ e yad ma lemnag ni aram angin e maruwel ni be tay e girdi’ ni ngar feked e gapas nge taareban’ nga fayleng. Uw rogon ni ga be lemnag?

N’EN NI BE YOG E BIBLE

“Bayi sunumeg Got nu tharmiy reb e gagiyeg ndariy e rofen nra mus. . . . Bayi thirif u but’ urngin e pi pilung nem nge gagiyeg ni yad be tay.” (Daniel 2:44) Gil’ilungun Got e riyul’ nreb e am.

N’EN NRAYOG NI NGKUD FILED U LAN E BIBLE

• Ra par Gil’ilungun Got u tharmiy me gagiyegnag e fayleng.​—Matthew 10:7; Luke 10:9.

• Ra fanay Got Gil’ilungun ni nge lebguy e n’en nib m’agan’ ngay u tharmiy ngu fayleng.​—Matthew 6:10.

Wuin e ra yib Gil’ilungun Got?

MANG E GA RA YOG?

• Dariy be’ ni manang

• Dabki n’uw nap’an

• Dabi yib

N’EN NI BE YOG E BIBLE

“Re Thin rok Got ney Nib Fel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw [e tomur].” (Matthew 24:14) Nap’an ni yira machibnag fare thin nib fel’ nge yan i mus nga rogon, ma aram e ra thang Gil’ilungun Got e re m’ag nib kireb ney.

N’EN NRAYOG NI NGKUD FILED U LAN E BIBLE

• Dariy be’ ni manang e ngiyal’ nra yib Gil’ilungun Got.​—Matthew 24:36.

• Be tamilangnag e pi yiiy u Bible ndab ki n’uw nap’an me yib Gil’ilungun Got.​—Matthew 24:3, 7, 12.