Mang E N’en Ni Be Yog E Bible?

Gad be par ko “tin tomren e rran,” fa?

Mang e ga ra yog?

• Arrogon

• Danga’

• Sana

N’en ni be yog e Bible

“Tin tomren e rran e ri bay mo’maw’ ni ngan par nrogon e tin riyul’ ni girdien Kristus.” (2 Timothy 3:1) Pi yiiy u Bible nge pi n’en ni be buch e ngiyal’ ney e be micheg ni gad be par ko “tin tomren e rran.”

Mang e ku rayog ni ngad filed u lan e Bible?

• Ra taw ko tin tomuren rran ma ra yoor e mahl, nge uyungol, nge durru’, nge m’ar nib mom ni yima yim’ riy.​—Matthew 24:3, 7; Luke 21:11.

• Ra taw ko tin tomuren e rran, ma ra gel e kireb ko ngongol ko girdi’ ma dab kur liyorgad ngak Got.​—2 Timothy 3:2-5.

Mang e athap ko girdi’ boch nga m’on?

Boch e girdi’ e yad ma lemnag . . . nra mus e tin tomuren e rran u nap’an ni yira bilig e fayleng nge yim’ urngin e girdi’ ni yad ma par riy, ma boch e girdi’ e yad be athapeg nra fel’ boch ban’en u fayleng. Me gur, uw rogon u wan’um?

N’en ni be yog e Bible

“Piin ni yad mmat’aw e bay ra pired u daken e binaw u fithik’ e gapas, me par ni taferad ni dariy n’umngin nap’an.”​—Psalm 37:29.

Mang e ku rayog ni ngad filed u lan e Bible?

• Ra mus nap’an e tin tomuren e rran u nap’an ni yira chuweg urngin e kireb.​—1 John 2:17.

• Yira fal’eg e re fayleng ney nge mang paradis.​—Isaiah 35:1, 6.