Yira Wereg Ba Ken e Awake! nib Special ko September
1 Baga’ ni ma falfalan’ e girdi’ ko tang ni ma yon e arche nge ngiyal’ ni nge guy ni ke aw e yal’. Machane der ma yog boor i yad ni i sunumeg Chitamangiy nu tharmiy e pi n’en nem. Bay rogodad ni ngad micheged ni i sunumeg Jehovah gubin ban’en ni ngad wereged ba ken e Awake! nib special. (Isa. 40:28; 43:10) Kenggin e September magazine e “Bay Fa En ni Ta Sunmiy Fa?”
2 U Territory: Faan rayog rom, nga mu yarmiy ni ngam un ko machib u mit e tabinaw u gubin e Sabado. Dabi siy nrayog ni ngam wereg e re babyor nib special ney u yugu ba ngiyal’. Piin ni sensey nge yugu girdi’ ni ba m’ag e maruwel rorad ko skul e yad ra adag e re babyor ney. Ere, rayog ni ngan yarmiy ni ngan yan i pi’ ngak e pi girdi’ nem u lan e territory.
3 Faan ra dag be’ ni baadag e thin riy, ma ngam fith reb e deer nrayog ni ngam fulweg ko ngiyal’ ni ngam sul ngak. Ya, rayog ni ngam fith e deer nfaan ra t’ufeg Ani Tasumniy e girdi’ ma mang fan ni ke pag e e gafgow ngorad. Ma nap’an ni ngam sul ngak, rayog ni ngam dag guruy ni 11 ko fare babyor ni Rayog ni Ngam Par ni Gab Fas u Paradis u Fayleng. Ara rayog ni ngam fith e deer ko mang e tin nib m’agan’ e Ani Tasunmiy ko fayleng ma ga weliy guruy ni 1 ara guruy ni 19 ko ngiyal’ ni ngam sul ngak.
4 U Skul: Faanra ka ga ma un ko skul, mang ndab mu pi’ e Awake! ni ba tow’ath ngak e pi sensey nge yugu bitir? Faan ga ra tay reb e babyor u daken e desk rom ma sana yira pug e tafinay rok e pi bitir ma yad ra fith boch e deer u murung’agen e tin nib mich u wan’um. Rayog ni ngam fanay e thin riy ko ngiyal’ ni ngam pi’ e fulweg ko pi deer ara ko ngiyal’ ni ngam fl’eg rogom ngam pi’ e report. Kan tay e thin ni bay u lan e babyor ni “Young People Ask” u lan e re babyor ney ni fan ni nge ayuwegem ma kenggin e “How Can I Defend My Belief in Creation?”
5 Bay rogon Jehovah ni ngan nog e sorok ngak min tay fan ko tin ni i sumniy. (Rev. 4:11) Rayog ni ngad piniinged e sorok ngak e Ani Tasunmiy ma ngad ayuweged yugu girdi’ ni faan gad ra pasig i wereg e September Awake!