Yira Wereg Ba Ken e Awake! ni Ba Ga’ Fan ko November!

¹ Boor e piin nib yul’yul’ ni ke maruwaran’rad nga fene ga’ fan e Bible. Ya faanra girdi’ e kar yoloyed e thin riy ma uw rogon ni aram e Thin Rok Got? Mang fan ni nge pagan’ug ngay? Faanra gu beeg mu gu fil ma mang angin nra yib ngog? Ken ngan e Bible e gu ra fanay? Aram boch e deer ni bay e fulweg riy ko Awake! ko November ma kenggin e “Rayog ni Nge Pagan’um ko Bible, fa?”

² Ngad athamgilgad ngad wereged e re ke Awake! ney u gubin e binaw. Faanra rayog ma ngam un ko ulung ko machib u mit e tabinaw i yan u gubin e Sabado ko pul ni November. Ngam dag e re ke Awake! ney ko girdi’ rom nge piin buguli yoror rom, nge girdi’ u tabon e maruwel rom, nge pi sensey rom, nge pi schoolmate rom, nge pi return visit rom. Ngam fek boch u nap’an ni ga ra yan ko chuway’ nge milekag. Ke chumongnag e piin piilal boor ken e re babyor ney nra gaman e ulung riy.

³ Ngam Tababnag e Bible Study: Faanra kam pi’ fare magazine ku be’ mag guy rogon ngam tababnagew e Bible study. Bod ni, rayog nim gaar: “Yay ni migid e gu ba adag ni nggu dag ngom e thin ko Bible ni be pi’ e fulweg ko re deer ney ni ‘Mang e m’agan’ Got ngay ni fan ko fayleng?’” Ma aram e ngam sul ma ga pi’ fare babyor ni Ngam Par ni Gab Fas ngak facha’ mag dag ngak e page 11-13. Migid ma ga demonstratnag rogon e fol Bible mi gimew fil e bin som’on e paragraph ko guruy ni 1. Maku rayog nim gaar, “Yay ni migid e gu ba adag ni ngad weliyew e thin ko profet u lan e Bible ni be lebug e chiney.” Nap’an ni ga ra sul ma ga dag ngak facha’ e guruy ni 18 ko fare babyor mi gimew fil e paragraph 1-5. Fa rayog ni mu gaar ngak: “Boor e girdi’ ni yad ma yog ni dar nanged fan e pi thin ko Bible. Yay ni migid ma gu ba adag ni nggu dag ngom rogon nrayog ni ngam nang fan e thin ko Bible.” Nap’an ni ga ra sul ma ga pi’ ngak fare babyor ni Ngam Par ni Gab Fas ma ga demonstratnag rogon e fol Bible.

⁴ Kari mus ni Bible e bay riy e “thin nib thothup” ni “ir e rayog ni nge tamilangnigem u rogon ni yima thap ngak Got.” (2 Tim. 3:15) Ere gad gubin ma gad ba adag ni ngad pasiggad i wereg fare Awake! ni ba ga’ fan ya ra ayuweg e girdi’ ngar pagedan’rad ko Bible!