Babyor Ni Yib Rok Fare Branch Office

Ngak e Pi Tamachib ko Gil’ilungun Got:

Gamad ba adag ni nggu pininged e magar ko ayuw ni kan pi’ ngak fa bokum biyu’ i walag ni pumoon nge ppin ni kar gafgowgad ni bochan fare yoko’ ni ke tharey fare Gulf Coast ko 2005.​—John 13:35.

Bay reb e walag ni dariy e naun rok ni bochan Hurricane Katrina me gaar: “Kug bad ni ke mus ni mad ni kug chuwgad ngay e bay romad. Pi fager rodad e kar pied e ayuw. Kar ayuweged gamad. Ma yad ba adag ni nggu pared ngorad.”

Boor ko 8,000 e pi walag ni pumoon nge ppin e yad ma un ko 60 e Regional Building Committee ma yad ma pi’ e tayim rorad, nge salap rorad, nge boch ban’en ni fan ni ngan ayuweg e gafgow. Kar ayuweged i fl’eg 86 e Kingdom Hall nge 4,178 e tabinaw. Ka bay 5 e Kingdom Hall nge 722 e tabinaw nib t’uf ni ngan fl’eg. Boch e walag ma kar milekaggad nib palog mar bad u Maine nge Washington ni fan ni ngar pied e ayuw. Ri gad ma pining e magar ko maruwel ni yad be tay u fithik’ e t’ufeg!​—1 Thess. 5:18.

Reb e walag nu Michigan ni ke pi’ e ayuw e gaar: “Kari gu falfalan’ ya kug guy owchen girdien e tabinaw ni kar siminmingad u nap’an ni kar guyed e chigiy nib biech ni kug ted nga daken e naun rorad. Dabiyog ni nggog ko uw fene ga’ fan u wan’ug ni gub bang ko ba ulung i walag nib fel’.”

Gamad ma piningmed ni nguum pied e meybil ni fan ko pi walag ney nib t’uf rodad​—ni piin ni kar gafgowgad nge piin ni be pi’ e ayuw ngorad.​—2 Kor. 1:11.

Gamad e pi walagmed,

United States Branch Office