Babyor Ni Yib Rok Fare Branch Office

Ngak e Pi Publisher ko Gil’ilungun Got:

Gamad ba falfalan’ ya be mon’og i yan fare maruwel ko machib ko United States branch territory ko duw ni 2007! Ke taw ko tin th’abi yoor e regular pioneer u nap’an e pul ni December ni aram 103,648 ni urngin. Ma territory ko Guam branch e ke reportnag 2,537 e Bible study ko pul ni September, ni aram l’agruw e Bible study ko ra reb e publisher. Nap’an e pul ni March ma ke pag taab guruy ko dalip guruy ko urngin e publisher ko territory ko Guam branch ni kar uned ko machib nib full-time ni aram 225 e pioneer ni ayuw nge 228 e regular pioneer.

Ke chugur ko 51 milyon ken e babyor ni Kingdom News No. 37, ni “Teliw ni Googsur e Ke Chugur ni Nge Mus!” ni kan wereg u ga’ngin yang e territory ko United States branch. Reb e walag ni ppin ni ke tal ko machib e ke beeg e re ke babyor nem ma de yog ni nge mol nib fel’ rogon. Bin migid e Madnom me un ko re muulung nem me ning ni ngan fil e Bible ngak. Piin ni ba adag e machib e kar fanayed fare coupon u keru’ fare babyor ni Kingdom News ma 2,286 ken e babyor ni Keep on the Watch! e kan ning ma 1,087 e girdi’ ni kar ninged ni ngan fil e Bible ngorad.

Yibe tay e campaign ni aram rogon ni ngan ayuweg e piin nib yul’yul’ ni ngar nanged ko mang e be yog e Bible. (Matt. 28:19, 20) Nap’an ni ga be wereg e machib ma dab mu pag talin ni ngam yoloy nga but’ u murung’agen e piin ni ba adag e machib ma ngam sul ngorad ma ngam guy rogon ni ngam tababnag e Bible study. Gamad ba falfalan’ ni gad be maruwel u taabang ko re maruwel ney nib ga’ fan, ma gamad ma pi’ e t’ufeg ko Kristiano romad ngomed.

Gamad e pi walagmed,

United States Branch Office