Nge Bagadad me Pi’ e Athamgil nga Laniyan’ Bagadad u Nap’an e Machib
1 Gad gubin ni ma fal’eg lanin’dad e ‘thin ni ma pi’ e athamgil nga lanin’uy nnog u ba ngiyal’ nib puluw’ riy. (Prov. 25:11) Nap’an ni gad be maruwel boch e walag u taabang u nap’an ni yibe machib u mit e tabinaw, ma uw rogon ni ngad pied e athamgil nga laniyan’ boch e walag u rogon e sabethin rodad?
2 Sabethin Nra Pi’ e Athamgil nga Laniyan’uy: Yira uneg murung’agen e tirok Got nga fithik’ e sabethin ni yima tay u nap’an e machib ma rra pi’ e athamgil nga lanin’uy. (Ps. 37:30) Rayog ni ngad weliyed murung’agen e n’en ni gad ra yog u nap’an ni gad ra mada’nag be’ ara murun’gagen ban’en nib fel’ ni ke buch rodad u nap’an e machib. (Acts 15:3) Bay ban’en ni kad beeged ko Bible reading, ara pi magazine, ara ban’en ni ka nog u nap’an e muulung? Rayog ni ngad weliyed boch ban’en ni kad rung’aged ko welthin ni fan ko yoor ni kan pi’ u Kingdom Hall.
3 Sana ra mulan’dad u nap’an nra togopuluw be’ ngodad ndabiyog ni ngad rin’ed ban’en ngay. Ra yib angin nfaan gad ra tay in e minit ngad weliyed e en ni ke un ngodad e n’en nrayog ni ngad rin’ed ko yay ni migid ni gad ra sul ngak facha’, ma sana rayog nda fanayed fare babyor ni Reasoning ko re n’ey. Ma faanra bay ban’en ni ga baadag ko n’en ni ke weliy faen ni gimew be yan u taabang ngak be’ ma thin ni ga ra yog ngak ni be dag ni ga be pining e magar ngak e ra pi’ e athamgil nga laniyan’.
4 Gad e Som’on ni Ngad Rin’ed Ban’en: Bay boch e girdi’ ni yad ma un nga taab muulung ko fol babyor ni gad ma un ngay ndawor ra uned ngodad ko machib nne’, fa? Gad ra pininged yad ngar uned ngodad ko machib ma “ra fel’ rogodad riy.” (Rom. 1:12) Ba felfelan’ e pi regular nge auxiliary pioneer ni ngkur uned ngak yugu boch e walag, nib ga’ ni kakadbul ara balayal’, ya ba ga’ ni aram e ngiyal’ ni buchuuw e girdi’ ni ma un ko machib u mit e tabinaw. Rayog ni ngad ayuweged e piin pioneer ni aram e ngad pithiged pa’ u puluwdad ngad uned ngorad ko machib. Bay reb e publisher nib m’ar ndabkiyog ni nge rin’ boor ban’en ni fan ko machib ni bochan rarogon, fa? Ra yib angin nfaan gad ra yarmiy ni nge un ngodad ko ngiyal’ ni nga darod ko Bible study rodad.—Prov. 27:17.
5 Demtrug feni achig ban’en, ma faanra ni dag ni yibe pining e magar riy min dag nib fel’ u wan’uy ma ra pi’ e athamgil nga lanin’uy. Susun ni nguud lemnaged e re n’em u nap’an ni gad be maruwel boch e walag u taabang u nap’an e machib, ya gad baadag nra “bagadad mi i pi’ e athamgil nga laniyal’ bagadad.”—1 Thess. 5:11.