Thin ni Ngan Nog u Murung’agen e Pi Magazine

Fare Wulyang Ntagil’ E Damit May 2008

“Ga ba adag ni ngam guy ni ke lebug e re thin ko profet ney, fa? [Mu beeg e Isaiah 2:4. Mag motoyil ko n’en nra yog.] Mu tay fanam i yan riy ni Got e ra yal’uweg gubin ban’en. Be tamilangnag e Bible ni bay ba mahl ni ka nog e Armageddon ngay ni bayi fek Got i yib ni ir e ra museg e pi mahl ni yibe tay u fayleng. Re magazine ney e be weliy fan e Armageddon nge fan ni ngad sapgad nga m’on ko ngiyal’ nra yib. Re maruwel ney ni gamad ma tay e girdi’ e yad ma pi’ e ayuw ngay nrogon nib m’ag u wan’rad, ere pi’ babyor ney ni gamad ma wereg e dariy puluwon. Faanra gab adag ni ngam pi’ boch e ayuw e daba’, ma ra felfelan’ug ngay ni nggu fek nggu pi’.”

The Watchtower June 1

“Reb e chep nu Bible nib ga’ ni boor e girdi’ ni manang e murung’agen Noah nge fare Ran ni Tharey e Fayleng. Gabe lemnag ma riyul’ ni buch ere n’em, fa? [Mmotoyil ko n’en nra yog.] Mus ngak Jesus me yog nriyul’ ere n’em. [Mu beeg e Luke 17:26, 27.] Re magazine ney e be weliy boch i fan ni nge mich u wan’dad fare Ran ni Tharey e Fayleng nge tin nib ga’ fan ni gad ra fil riy.”

Awake! June

“Ba mo’maw’ e chugol bitir, ma ri kab gel e mo’maw’ riy ni faanra ke fel’ yangaren fare tir ma ke thil boch ban’en u rarogon. Gabe lemnag ma uw e rayog ni nge pirieg e gallabthir e fonow nib fel’ riy? [Mmotoyil ko n’en nra yog. Mag beeg e Isaiah 48:17, 18.] Re magazine ney e be tamilangnag boch ban’en nra ayuweg e piin ni gallabthir ni ngar yal’uweged pi fakrad u fithik’ e gonop nge tamilangan’.”