Rayog ni Ngam Yoornag e Tayim Rom ko Machib, Fa?
1. Uw feni ga’ fan e machib ni gad be tay, ma mang fan?
1 I guy Jesus ni boor e girdi’ nib adag ni nge nang fan fare thin nib fel’ ni murung’agen Gil’ilungun Got. Ere yog ngak pi gachalpen ni ngar “yibilgad ngak e en ni ir e suwon e re woldug nem ngki pi’ boch girdien e maruwel ngar muruwliyed e re woldug rok nem nge thap nga naun.” (Matt. 9:37, 38) Gad bay ko ngiyal’ ni ke chugur ni nge m’ay fare mokun woldug, ere kab ga’ fan e maruwel rodad. Ere thingar da fal’eged i lemnag ma gad meybil ya nge yog nda yoornaged e tayim rodad ni fan ko machib.—John 14:13, 14.
2. Mang e ke rin’ boch e girdi’ ni kar nanged ni kub t’uf ni nge yoor e girdi’ ko machib?
2 Rogon ni nge Yoor e Tayim ni Fan ko Machib: Boor e girdi’ ni kar pirieged nrayog ni ngar uned ko pioneer ni bochan e ke pow’iyrad ma ke ayuwegrad Jehovah. (Ps. 26:2, 3; Fil. 4:6) Ke athamgil boch e girdi’ kar uned ko pioneer ni ayuw u reb e pul fa in e pul u reb e duw. Aram reb e kanawo’ nib fel’ ni kar yoornaged e tayim ni fan ko machib. Bochan e ke felfelan’ e piin ni kar uned ko pioneer ni ayuw ma boor i yad e ke un ko regular pioneer.—Acts 20:35.
3. Faanra um pioneer kafram, ma mang e ngam fal’eg i lemnag e chiney?
3 Rayog ni Ngkum Un ko Pioneer Biyay, fa?: Faanra um pioneer kafram, ma dabisiy ni um pirieg e felfelan’ e ngiyal’ nem. Kam fal’eg i lemnag ma kam yibilay ni ngkum un ko pioneer biyay, fa? Sana dakuriy fare magawon ni ir tapgin mag tal ko pioneer. Ere sana ke mab e kanawo’ ngom ni ngkum pioneer biyay.—1 John 5:14, 15.
4. Mang maruwel e ke mab e kanawo’ riy ngodad ni gad gubin?
4 Yibe mokun woldug e chiney ndabki n’uw nap’an me mus. (John 4:35, 36) Gad gubin ni ngad fal’eged i yaliy rarogodad ya nge yog nda yoornaged e tayim ni fan ko machib. Ma faanra gad be guy nri dabiyog ni ngad yoornaged e tayim rodad ni fan ko machib, ma gur, rayog ni ngad lemnaged nga yugu reb e kanawo’ nra yib angin? (Mark 12:41-44) Rib tow’ath e piin ni be fanayrad Jehovah ni ngar uned ko re mokun woldug ney!—Ps. 110:3.