Fare Wulyang ko Damit e Kan Fal’eg ni Nge Adag e Girdi’

1. Uw rogon ni ma fol fare tapigpig nib yul’yul’ mab gonop rok apostal Paul?

¹ Apostal Paul e puluwnag rogon ni ma weliy fare thin nib fel’ ngak e girdi’ ya nge yognag “urngin mit e girdi’” ngak Got, maku er rogon fare tapigpig nib yul’yul’ mab gonop ni yad ma fanay e pi babyor rodad ni ngar weliyed fare thin nib fel’ ngak urngin mit e girdi’. (1 Kor. 9:22, 23) Ere ba t’uf ni ngaud lemnaged e piin ni kan fal’eg Fare Wulyang ko Damit ni fan ngorad ya nge yog nda maruwelgad ngay nib fel’ rogon.

2. Mang fan ni ngad fal’eged i yaliy rarogon e piin ni gad be pi’ e babyor ngorad?

² Ra ud fal’eged i yaliy rarogon e piin ni gad be machibnagrad, ma gad be motoyil ngorad nib fel’ rogon, ma aram e rayog ni ngad ‘manged urngin mit e girdi’ ngak urngin mit e girdi’.’ (1 Kor. 9:22) Faanra rayog ni ngam fal’eg i yaliy rarogon be’ u m’on ni ngam non ngak, ma rayog ni ngam nang boch ban’en u rarogon ni bod e pi n’en ni baadag nge rogon e par rok. Nap’an ni ga ra pi’ fare babyor, ma ngam pi’ e athamgil nga laniyan’ faen ni ga be non ngak ni nge weliy laniyan’. Mu fith reb e deer nib puluw mag sonnag ni nge pi’ e fulweg. Mu fal’eg e motoyil, ya faan ga ra rin’ ma ra mom ngak ni nge weliy laniyan’. N’en nra weliy e ra m’ug riy ko mang e baadag. Rayog ni ngam dag reb e article ngak nra adag ni bochan e kam fal’eg i yaliy rarogon ma kam motoyil ngak.

3. Mini’ e ma beeg e pi article ni bay ko Fare Wulyang ko Damit?

³ Pi article ni bay kenggin u wuru’ Fare Wulyang ko Damit e kan ngongliy ni fan ngak e piin ni bay fan Got nge Bible u wan’rad. Bay buchuuw ban’en u lan e Bible ni yad manang machane gathi ri yad manang fan e machib riy. Pi girdi’ ney e taareb rogorad ngak fapi girdi’ ni yog Paul ni “yad ma meybil ngak Got.” (Acts 13:14-16) Pi article ni bay ko Fare Wulyang ko Damit ni yima fil u nap’an e muulung e kan ngongliy ni fan ngak e Pi Mich Rok Jehovah. I lemnag Paul ni piin nra ur beeged e pi babyor ni i yoloy e yad manang e thin nu Bible nge tin riyul’. (1 Kor. 1:1, 2) Ere ku er rogon e ngiyal’ ney ni pi article ko Fare Wulyang ko Damit ni yima fil u nap’an e muulung e kan ngongliy ni fan ngak e piin ni yad ma un ko muulung, ma yad manang fan yu bugithin ni gad ma uneg u fithik’ e machib rodad.

4. Mang fan nib t’uf ni ngad nanged e n’en ni bay ko pi babyor ni gad ma wereg u nap’an e machib?

⁴ Mu nameg ni ngam nang e n’en ni bay ko Fare Wulyang ko Damit ni yima fal’eg u gubin e pul. Ya faan ga ra rin’ ni aram rogon, ma aram e rayog ni ngam nang e pi article nra adag e girdi’.