Mu Weliy Taareb e Article ni Bay ko Fare Wulyang ko Damit

Pi magazine rodad e boor ban’en ni bay riy nib fel’ ni ngan beeg. Nap’an ni ngan yan nga reb e tabinaw ma kab fel’ ni ngan weliy murung’agen taa ban’en ko bin ni ngan weliy boor ban’en. Faanra gad be athamgil ni ngad nanged ban’en u murung’agen be’ ma gad manang e pi article ni bay ko pi magazine rodad, ma rayog ni ngad mel’eged ban’en u lan Fare Wulyang ko Damit nrayog ni nge pug e tafinay rok. Bod nfaanra kad guyed boor e pi tagosgos rok e bitir u lan e naun ara u wen, ma rayog ni ngad mel’eged reb e article ni ngad weliyed ni murung’agen e yafas u lan e tabinaw. Faanra ke yib reb e pumoon nga langan e mab, ma rayog ni ngad weliyed ban’en nib ga’ ni boor e pumoon ni baadag, ni bod ba am nib fel’. Yira weliy murung’agen taareb e ban’en, ma bod ni yibe tamilangnag murung’agen e tin nib fel’ ko Gagiyeg rok Got u reb e kanawo’ nib mom, ya nge dabi pagtalin fa en ni gimew be non e n’en ni ga be machibnag.