Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni September

“Ba ga’ ndemtrug e ngiyal’ ni ma meybil boor e girdi’. Mus ngak e piin ni yad ma lemnag ndariy e Got, maku yad ma meybil u nap’an ni yad ra mada’nag e magawon. Ga ma lemnag ni ma motoyil Got ko gubin e meybil, fa?” Mmotoyil ko n’en nra yog. Mu dag keru’ fare Wulyang ko Damit ko August 1, mi gimew weliy e n’en ni bay u tan fa bin som’on e deer nge reb e thin nu Bible. Ngam pi’ fare magazine, mag yarmiy ni ngam sul ngam weliyew e bin migid e deer.

Fare Wulyang ko Damit August 1

“Gamad be mada’nag e girdi’, ya boor i yad e be lemnag rogon ni ke garer yaan e puwlag u gubin yang. Machane, boor e girdi’ e yad ma lemnag ni yaan e puwlag ni yima yaliy e kemus ni ban’en ni yima n’ag e chalban ngay, ma dabiyog ni nge magawonnagey. Uw rogon u wan’um? [Mmotoyil ko n’en nra yog.] I tamilangnag Jesus nrayog ni ngan poy ban’en nib fel’ u rogon wom’engin. [Mu beeg e Matthew 7:17.] Re magazine ney e ra weliy murung’agen wom’engin ara wenegan yaan e puwlag ni yima yaliy. Maku be weliy boch e kanawo’ u rogon nrayog ni ngan pag i rin’ e re n’ey.”