“Faan Ga Ra Fek e Babyor Rog, Ma Gu Ra Fek e Babyor Rom”

Ireram e n’en ni ma yog boch e girdi’. Bochan ndarud feked e pi babyor rok e piyu raba’ i teliw ni be weliy murung’agen e machib ni googsur, ma uw rogon nrayog ni ngad pied e fulweg ngak be’ ni baadag ni nge pi’ e babyor rok ngodad ndab da kirebnaged laniyan’? (Rom. 1:25) Rayog ni nga dogned ni nge lungudad: “Kammagar. Machane, mang e be yog e re babyor nir u rogon nrayog ni ngan pithig e magawon ko girdi’? [Mmotoyil ko n’en nra yog. Faanra yog ngom ni ngam beeg ya ngam nang e fulweg riy, ma rayog ni ngam puguran ngak ni fare babyor ni ka mog ni ngam pi’ ngak e kam weliy ngak ko mang e bay riy. Ma aram e ngam beeg ara ngam weliy ngak e n’en ni bay ko Matthew 6:9, 10.] N’en ni ke yog Jesus u roy e be m’ug riy ni yira fanay Gil’ilungun Got nge yag ni nge lebug e tin nib m’agan’ ngay u roy u fayleng. Ere, kemus ni gu ma beeg e babyor ni be tamilangnag murung’agen Gil’ilungun Got. Rayog ni nggu dag ngom u Bible boch ban’en nra lebguy Gil’ilungun Got?”