Boch Ban’en ni Ke Buch

◼ Australia: John, e ir be’ nib skul. Nap’an ni kab bitir ma i un nga galesiya, machane faani munmun ma “daki mich Got u wan’.” Me yan i reb e rran, me pi’ reb e pioneer ba ken e brochure ngak ni kenggin e Was Life Created? ma nap’an ni sul ni nge guy ko yay ni migid, miki pi’ ba ken ni kenggin e Origin of Life. Ba ga’ ni ma yan fare pioneer i guy ni nge pi’ e tin nib beech e magazine ngak, maku ma weliy boch e article riy ngak ni be weliy murung’agen e pi n’en ni kan sunmiy ara pi yiiy u lan e Bible. Ere, munmun me adag e machib. Nap’an ni guy fare pioneer nrayog ni ngki pi’ ba ken e babyor ngak John, ma aram me pi’ fare ke babyor ngak ni kenggin e The Bible​—God’s Word or Man’s? Tomuren ni mu’ John i beeg fare ke babyor, me yog ni “ir be’ ni be maruwar Got u wan’.” Ma aram me pi’ fare pioneer fare ke babyor ngak ni kenggin e Mang e Ri Be Fil e Bible?, me dag ngak e paragraph 8 ko page 20 nge paragraph 13-16 ko page 23-24. Kari gin John ko thin nu Bible ni beeg ko pi page ney, ma aram me gaar, “Sana ba t’uf ni ngkug fil e Bible bayay.”

◼ Mexico: Reb e pumoon e yog ngak reb e walag nde mich u wan’ ni Bible e yib rok Got. Ere, yog fare walag ngak nrayog ni nge dag ngak e mich riy ni Bible e riyul’ ni thagthagnag Got e thin riy nga laniyan’ e girdi’ ngar yoloyed. Tomuren in yay ni ke sul fare walag ko fare pumoon, ma aram me tabab ni nge thil e lem rok ni bochan e pi n’en ni be fil. Kari felfelan’ u nap’an ni fil murung’agen e pi motochiyel rok Got u Bible. Ere yog ko fare walag ni gaar: “Som’on ni gadow ra beeg e Bible u taabang, ma gowa gu be motoyil ko fonow u yu ken e babyor ndariy ban’en ni be rin’ ngog. Machane, chiney e nap’an ni gadow ra beeg e pi fonow riy u murung’agen e ngongol nib fel’ nge ngongol nib kireb, ma ri ma kireban’ug.”

◼ Meriken: Nap’an ni be un ba wu’ e mabgol ko machib u reb e mach ni boor e girdi’ riy, mi yow mada’nag reb e ppin nu Taiwan. Re ppin nem e ba mich Got u wan’ machane ma lemnag ni Bible e fan ko girdi’ nu Ken Ngabchey. Ke yib ko gin ni bay e pi babyor riy ni be wereg pi walagdad ni bochan e be lemnag ndakuriy fan e yafas rok ni yugu aram rogon nib fel’ rogon e par rok. Be athapeg nrayog ni nge ayuweg e Bible nge yag ni yib fan e yafas rok. Ere, tabab fa wu’ i mabgol ni ngar filew e Bible ngak ni yow be fanay fare ke babyor ni Mang e Ri Be Fil e Bible? nge fare Brochure ni kenggin e Lasting Peace and Happiness​—How to Find Them. Dar filed e guruy ni 2 ko fare ke babyor ni Mang e Ri Be Fil e Bible? ya kar filed bang ko fare brochure ni kenggin e “A Guidebook for the Blessing of All Mankind.” Tomuren nra weliyed e 6 ni m’on e paragraph riy, me yog fare pin ni kari gin ni bochan e ke nang ni Bible e yugu ba thil nga yu ken e babyor ni ma fanay e pi yurba’ i teliw. Tomuren nra weliyew boch e yiiy u Bible ni ke lebug, me yog fare pin ni gaar, “Gu be lemnag ma dakuriy ba ken e babyor nib puluw e thin riy ni bod rogon e Bible!”

◼ Sapan: Yugu aram rogon ni ke yog reb e pumoon ngak reb e walag nde mich Got u wan’, machane ke ulul ni nge yan i guy, me dag fapi article ko Awake! ngak ni kenggin e “Was It Designed?” Munmun, me thilyeg fare pumoon e lem rok, ma aram ma i tabab ni nga i yog ni sana riyul’ ni bay be’ ni ke Sunmiy urngin ban’en. Chiney e ke mich u wan’ ni bay be’ ni ke sunmiy urngin ban’en, ma yow be fil fare walag fare brochure ni kenggin e Thin nib Fel’ ni Yib rok Got!

◼ Canada: Reb e walag nib pin e pi’ boch e magazine nib beech ngak reb e ppin ni ka fini og nga wen u naun rok ni be yan i yan ko karrow rok. Faani taaboch riy ni sul fare walag, me yog fare pin ngak ndabun e machib ma de mich Got u wan’. Ere, dugliy fare walag u wan’ ndabi tal. Ma aram me pi’ fare brochure ngak ni kenggin e A Satisfying Life​—How to Attain It. Nap’an ni sul e yay ni migid, ma bay fare pin u tabinaw, ma aram me yog ngak ni yugu aram rogon ni manang nde mich Got u wan’, machane ka i yan ma yugu be lemnag ni bochan e ke nang ni goo ir ni ma chuguliy e bitir rok. Ere, dag ngak e thin ni bay ko paragraph 6 ko fare brochure ko page 4, ni be weliy e gin nrayog ni ngan pirieg boch e fonow riy nib fel’. Ma aram me yog ngak fare pin ni nge beeg e thin ni bay ko guruy ni 2 ni be weliy murung’agen e chugol bitir. Kari felfelan’ fare pin ma aram me fek fare brochure.