Ga Ra Guy Rogon ni Ngam Rin’ Ban’en, Fa?
Fare Puguran ni Bay ni Tay e Aram Reb e Kanawo’ Nrayog ni Ngad Pininged e Magar Riy
1. Mang e rayog ni ngad rin’ed u nap’an e Puguran?
1 Fare Puguran ni yira tay ko rofen ni April 14 e aram e bin th’abi fel’ e kanawo’ nrayog ni ngad pininged e magar ngak Jehovah ko n’en ni ke rin’ ni fan ngodad. Fapi thin ni bay ko Luke 17:11-18 e be weliy rogon nra lemnag Jehovah nge Jesus ni faan yira pining e magar ngorow. Machane, ba gel e kireban’ riy ya immoy bagayad ko fa ragag i pumoon ni ke yib e daraw ngorad nde pining e magar. Ra boch nga m’on ma ra chuw e m’ar, me yag ni nge par e girdi’ ndariy n’umngin nap’an ni bochan fare biyul ni kan pi’ nib tow’ath! Ere, dariy e maruwar riy ni gad ra pining e magar ngak Jehovah ko pi tow’ath nem nra pi’ ngodad. Machane, uw rogon ni nge m’ug ni gad be pining e magar ko n’en ni ke rin’ ni fan ngodad ko pi wik ni baaray ni bayi yib?
2. Uw rogon ni nge m’ug ni gad be pining e magar ko fare biyul ni kan pi’?
2 Mu Guy Rogon ni Ngam Pining e Magar: U m’on ni nge pining be’ e magar, ma som’on e thingari pining e magar u laniyan’. Bay e schedule ko Bible reading ni fan ko Puguran ko appendix B12 ko ken nib beech e New World Translation, nge calendar rodad, nge fare ke babyor ni Examining the Scriptures Daily. Kan fal’eg rogon e pi n’ey ni fan e nge ayuwegdad ni ngad pininged e magar ko fare biyul. Ere, mang ndab mu weliyed chon e tabinaw rom e pi thin nu Bible ney u taabang? Faan gad ra rin’ ni aray rogon, ma rayog ni nge ga’ fan fare biyul u wan’dad ma gad pining e magar ko en ni ke pi’. Ma re n’ey e ku ra rin’ ban’en ko ngongol rodad.—2 Kor. 5:14, 15; 1 John 4:11.
3. Mang boch e kanawo’ nrayog ni ngad pininged e magar riy u m’on ngu tomuren fare Puguran?
3 Mu Pining e Magar: Ra m’ug ni gad be pining e magar ko ngongol rodad. (Kol. 3:15) Bay bagayad fa ragag i pumoon ni ke yib e daraw ngak ni ke athamgil ni nge gay Jesus nge pining e magar ngak. Dariy e maruwar riy ni ki weliy ngak boch e girdi’ e n’en ni ke buch rok. (Luke 6:45) Gur, gad ra un i wereg babyoren fare Puguran ni bochan e gad be pining e magar ko fare biyul ni kan pi’? Gad ra un ko Auxiliary pioneer ara da yoornaged e tayim rodad ko machib u m’on ngu tomuren e Puguran ma aram reb e kanawo’ nra m’ug riy ni gad be pining e magar. Maku reb, e ku ra m’ug ni gad be pining e magar ni faanra yan i rofen nem ni Puguran ma gad pining e magar ko piin ni kar bad ko muulung ma gad pi’ e fulweg ko pi deer ni kar fithed ngodad.
4. Uw rogon ni nge yan i aw e biney e Puguran ni gad ba felfelan’ ngay?
4 Gur, ireray e bin tomur e Puguran ni gad ra tay? (1 Kor. 11:26) Dariy bagadad ni manang. Machane, gad manang nnap’an nra m’ay, ma aram bayay ni kad pininged e magar ko n’en ni kan rin’ ni fan ngodad. Ere, ga ra athamgil ni ngam un i rin’ e pi n’en ni yira rin’ riy, fa? Manga yigi felfelan’ Jehovah ni ir e En ni Ke Pi’ fare biyul ko pi n’en ni gad ra rin’ ni fan ngak ko ngiyal’ nem.—Ps. 19:14.