Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni June

“Daba’ e gamad be yan u roy ni gamad be fith e re deer ni baaray ko girdi’.” [Mu dag fare deer ni bay u wuru’ fare Wulyang ko Damit ko June 1.] Uw rogon e re deer ney u wan’um?” Mmotoyil ko n’en nra yog. Mu beegew e thin ni bay u tan e bin som’on e deer nge reb e thin nu Bible riy. Mu pi’ fare magazine ngak, ma ga yarmiy e rofen ni ngkum sul ngam weliyew e bin migid e deer.

Fare Wulyang ko Damit June 1

“Ra reb e duw ma sogonap’an 6,000,000 e girdi’ ni ke yim’ ko tamagow. Ga be lemnag ma bay ban’en nrayog ni nge warnag e biney e magawon, fa? [Mmotoyil ko n’en nra yog.] Boor e girdi’ ni kan ayuwegrad ni ngar talgad ko tamagow u tomuren ni kar nanged rogon laniyan’ Got ko re ngongol ney. Re thin nu Bible ni baaray e ke ayuweg boch e girdi’ ni ngar lemnaged rogon ni ma gafgownag e tamagow boch e girdi’. [Mu beeg e 1 Korinth 10:24.] Re ke babyor ney e be weliy rogon nrayog ni nge adag be’ ni nge tal ko tamagow ni faanra nang rogon e re n’ey u wan’ Got.”