Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni May

“Baaray reb e deer ni gamad be fith ko girdi’. [Mu dag ngak e bin som’on e deer ni bay u wuru’ fare Wulyang ko Damit ko May 1.] Uw rogon e re n’ey u wan’um?” Mmotoyil ko n’en nra yog. Mu weliyew e thin ni bay u tan fare deer nge reb e thin nu Bible ni bay riy. Mu pi’ fare magazine ngak, ma gog ngak e rofen ni ga ra sul ni ngam weliyew e bin migid e deer.

Fare Wulyang ko Damit May 1

“Boor e girdi’ ni yad baadag ni ngar nanged ko mang e bayi buch boch nga m’on. Me gur, nap’an ni ga ra lemnag murung’agen e gabul nge langlath, ma uw rogon u wan’um? Be pagan’um ngay fa be magafan’um? [Mmotoyil ko n’en nra yog. Ngemu’ ma ga beeg ngak reb e thin nu Bible ni bay ko fare thin ni kenggin e “Pi N’en ni Ke Tamilangnag Got u Murung’agen e N’en nra Buch Boch Nga M’on.”] Re magazine ney e be weliy murung’agen boch ban’en nra buch nge fan nrayog ni nge pagan’dad nra buch e pi n’ey.”