Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni September

“Boor e girdi’ nib mich e engel u wan’rad. Me gur? [Mmotoyil ko n’en nra yog.] Pi engel e yad boch e kan nib gel gelngirad, machane, ga be lemnag ma rayog ni ngar ayuweged gadad? Be weliy e Bible rogon ni ma ayuweg e pi engel e girdi’ e ngiyal’ ney.” Mu dag ngak e thin ni bay u wuru’ fare Wulyang ko Damit ko September 1 mi gimew weliy u taabang e thin ni bay u tan e bin som’on e deer nge reb e thin nu Bible riy. Mu pi’ fare babyor ngak, mi gimew yog e rofen ni ngkum sul ngam weliyew e fulweg ko bin migid e deer.

Fare Wulyang ko Damit September 1

“Ga be lemnag ni bayi kirebnag e girdi’ e re fayleng ney ndabkiyog ni ngan sulweg nga rogon? [Mmotoyil ko n’en nra yog.] Yugu aram rogon ndabiyog ko girdi’ ni ngar sulweged e pi n’en ni kar kirebnaged nga rogon, machane be yog e Bible nrayog rok Got ni nge sulweg e pi n’ey nga rogon ma kub m’agan’ ngay. Ma ireray e n’en ni be micheg e Psalm 65:9 ngodad. [Mu beeg] Re Wulyang ko Damit ney e be weliy rogon nra rin’ Got boch ban’en ni fan ko fayleng boch nga m’on nge rogon ni gad ra felfelan’ ko pi n’ey. Rayog ni nggu tay e re ke babyor ney rom ni ngam beeg?”