Ngad Fanayed e Web Site Rodad u Nap’an e Machib​—“Pi Deer ni Bay e Fulweg Riy u Bible”

Ga ra yan ko “Bible Teachings” ni bay ko jw.org ma bay bang riy ni be gaar “Bible Questions Answered” ara “Pi Deer ni Bay e Fulweg Riy u Bible.” Faanra gad manang e pi deer ni bay u tan e re thin ney ko Web site rodad, ma rayog ni nga dogned ko piin ni gad ma machibnag e gin ni nga ranod ngay ni ngar gayed e fulweg ko pi deer rorad ni bay rogon ko Bible. Ku rayog ni ngad fanayed e pi deer ney ni ngad tababnaged e numon ngak e girdi’ ni kad mada’naged u nap’an e machib. Rayog ni ngad mel’eged reb ko pi deer ney nra adag e girdi’ ni ngan weliy murung’agen, ngemu’ ma gad fith ngak faen ni kad mada’naged ko mang e be lemnag riy, ngemu’ ma gad weliy ngak e n’en ni be weliy e Bible u murung’agen ni gad be fanay boch e thin ni bay ko jw.org. Tomuren ni kad rin’ed e re n’ey, ma rayog ni nga dogned ara ddaged ngak e gin ni kad pirieged e fulweg ko re deer ney riy. Ku reb e ban’en nrayog ni ngad rin’ed e aram e nga dogned ngak facha’ ni nge beeg e fulweg ko fare deer ko re Web site nem. Leengin reb e walag ni ma lekag e ulung e ke pirieg nib ga’ angin e re n’ey. Ba ga’ ni ma gaar: “Boor e girdi’ ni ma lemnag ko, ‘Got e ir tapgin e pi gafgow ni ma yib ngodad, fa danga’?’ Ga baadag ni ngam nang e fulweg ko re deer ney u lan 51 e second?” Tomuren ni ke fith e gal deer ney ngemu’ me playnag e fulweg ko re deer ney ni ke downloadnag ko cell phone rok nrayog ni ngan motoyil ngay. Nap’an nra mu’ me dag ngak facha’ e n’en ni bay ko guruy ni 11 ko fare ke babyor ni Mang e Ri Be Fil e Bible?