Web Site Rodad—Ngam Fanay ni Fan ko Machib
Nga Nog ko Girdi’ ni Nga Ranod ko Re Web Site Nem: Boch e girdi’ ni be maruwaran’rad ko ngar nonad ngodad fa danga’ ara darur feked e babyor rodad e yad baadag ni ngar guyed fare jw.org u tabinaw rorad ya ngar nanged murung’agen e Pi Mich Rok Jehovah. Ere gubin ngiyal’ nra mab e kanawo’ ngom ma nga mog ko girdi’ ni ngar guyed fare Web site.
Ngan Fulweg e Deer: Bay yu ngiyal’ ni ma fith e girdi’ ni gad ma machibnag, ara be’ ni baadag e machib, ara be’ ni gad manang e deer u murung’agen e Pi Mich Rok Jehovah ara murung’agen e machib ni gad ma tay. Ka chi ngiyal’ nem mag dag e fulweg ngak ni ga be fanay e cell phone. Ba ga’ nib fel’ ni ngam beeg e thin nu Bible ngak ko Bible rom. Faanra dariy e cell phone rom ni bay e Internet riy, mag weliy ngak rogon nrayog ni nge pirieg e fulweg ko deer rok ko jw.org.—Mu guy e “Bible Teachings/Bible Questions Answered” ara “About Us/Frequently Asked Questions.”
Mu Pi’ Reb e Article ara Ba Ken e Babyor ngak Be’ ni Ga Manang: Nap’an ni ga ra pi’ reb e e-mail ngak be’ mag uneg reb e PDF ara EPUB ngay. Ku rayog ni ngam downloadnag ba ken e babyor nga CD ni ngan motoyil ngay. Gubin ngiyal’ ni ga ra pi’ ba ken e babyor, ara brochure, ara magazine ngak be’ u computer, ma ngam yoloy nga but’ ko report rom. Thingar dab mu pi’ e babyor ngak be’ u computer nde nang ko gur mini’ ara mu pi’ ni kaygi yoor. Ku thingar dab ni tay e pi n’ey nga yugu reb e Web site.—Mu guy e “Publications.”
Ngam Dag e Pi N’en ni Kab Beech ni Be Buch ko Pi Mich Rok Jehovah: Ra ayuweg e re n’ey e piin ma fil e Bible nge boch e girdi’ ni ga ma yan nga tabinaw rorad ni nge fel’ u wan’rad e maruwel ni gad be tay u ga’ngin yang e fayleng nge rogon nib taareban’dad. (Ps. 133:1)—Mu guy e “News.”
[Yaan Boch Ban’en ko page 5]
(Mu guy e re ke babyor ney ni ngam nang rogon yaan e re n’ey)
Mu Gay Rogon
1 Mu gay ban’en u tan fare bugithin ni “Publication” ni ga baadag ni ngam downloadnag, mag mel’eg ko ngam downloadnag ni ngam beeg fa ngam motoyil ngay.
2 Mu diliiy e MP3 ni nge m’ug riy fithingan e pi article. Ngemu’ mag mel’eg e re article ni ga baadag ni ngam beeg ara ngam ▸ motoyil ngay u online.
3 Faanra ga baadag ni ngam downloadnag ba ken e babyor u yugu reb e thin, mag mel’eg fare thin ni ga baadag ni ngam fek fare ke babyor riy.