Web Site Rodad—Mu Fanay ni Fan ko Fol Bible ni Goo Gur nge Fol Bible ni Tabinaw
Mu Beeg e Bin nib Beech e Magazine u Online: Mu beeg Fare Wulyang ko Damit nge Awake! ko computer rom in e wik u m’on ni nge taw e pi babyor nem ko ulung. Mmotoyil ko audio recording ko reb e magazine.—Mu guy e “Publications/Magazines.”
Mu Beeg Boch e Article ni Kemus nu Web Site e Ra M’ug Riy: Chiney e bay boch e article, ni bod fapi article ni kenggin e “For Young People,” nge “My Bible Lessons,” nge “For Family Review,” nge “Young People Ask,” ni kemus nu Web site rodad e rayog ni nge m’ug riy. Ere mman ko re Web site ney, ngam fanay e pi article ney u nap’an ni ga be fil e Bible ni goo gur ara nap’an ni gimed be tay chon e tabinaw rom e fol Bible ni tabinaw.—Mu guy e “Bible Teachings/Children” ara “Bible Teachings/Teenagers.”
Mu Beeg e Tin nib Beech e News: Mu beeg boch e news, mag yaliy boch e video ni be dag rogon ni be mon’og i yan e maruwel rodad u ga’ngin yang e fayleng. Boch e news u murung’agen e yoko’, nge durru’, nge ku boch ban’en ni yima gafgow riy, nge murung’agen e pi walag ni kan gafgownagrad e ra ayuwegdad nge yag nda uneged e pi walag nem u lan e meybil rodad. (Jas. 5:16)—Mu guy e “News.”
Mu Fal’eg i Gay Ban’en ni Ga Be Fanay e Online Library: Faanra bay e re n’ey ko thin rom, mag fanay e computer ara cell phone ni ngam beeg e thin nu Bible ni fan nga reb e rran nge reb, ara mu fal’eg i gay boch ban’en u yu ken e babyor rodad.—Mu guy e “Publications/Online Library,” ara mu typenag e www.wol.jw.org ko gin ni yima tay e address ngay.
[Yaan Boch Ban’en ko page 4]
(Mu guy e re ke babyor ney ni ngam nang rogon yaan e re n’ey)
Mu Gay Rogon
1 Mu diliiy fare sasing ara “Download.” Nap’an ni ga ra diliiy e re n’ey ma ra m’ug reb e sasing ngom, ma rayog ni ngam printnag ngam pi’ ko bitir rom ni nge yoloy boch e fulweg ngay.
2 Mu diliiy e “Play” ni ngam yaliy reb e video.